“არაფერი მოულოდნელი ოპოზიციის სტრატეგიაში არიყო. ამის მოლოდინი [არჩევნების შემდგომ დესტაბილიზაციის მოწყობა] ოპოზიციას ჰქონდა და სწორედ ამის შესაბამისად დაგეგმეს ყველაფერი.
პრაქტიკულად მათ საარჩევნო კამპანია არ ჩაუტარებიათ. ისინი მოქალაქეებს არ ხვდებოდნენ და არჩევნების ჩატარებამდე დააანონსეს, რომ არჩევნები გაყალბდა, ანუ რაც თქვეს არჩევნებამდე, ის გააკეთეს მისი ჩატარების შემდეგ და აქ მოულოდნელი არაფერია.
არადა, არჩევნები ჩატარდა აბსოლუტურად ობიექტურად, მშვიდ გარემოში და შედეგი არის აბსოლუტურად ლოგიკური. ეს ეტყობა თვითონ საარჩევნო აპარატებსაც, ქუჩაში გამოსულ მომხრეებსაც (ოპოზიციის მომხრეებზე ვსაუბრობ, როდესაც არჩევნებამდე ჩაატარეს თავყრილობა) და ეს ეტყობოდა შემდეგ „ქართული ოცნების“ მიერ მომხრეთა შეკრებას, რა დროსაც, ფაქტობრივად, თბილისის ცენტრი მთლიანად გაივსო.
ეს ეტყობა, რა თქმა უნდა, ISFED-ის გარდამავალ პარალელურ დათვლებსაც, ESCE/ODIHR-ის პრესკონფერენციაზე აღიარებულ შედეგსაც, როცა არჩევნები კონკურენტულად ჩაითვალა, მიუხედავად კრიტიკული შენიშვნებისა. სხვათა შორის, თუ ნახავთ სხვა ქვეყნებში ჩატარებული არჩევნების შემდეგ მათ დასკვნებს, ასეთი კრიტიკული შენიშვნები არის აბსოლუტურად ჩვეულებრივი ამბავი.
ის, რომ ოპოზიცია ემზადებოდა არჩევნების შემდგომი დღისთვის და არა არჩევნებისთვის, დასტურდება. მათ სურთ აურზაური, ქაოსი, რომ ამ მღვრიე წყალში დაიჭირონ თევზი, მაგრამ ეს არ გამოვა იმიტომ, რომ სიცრუის გარშემო საზოგადოების შეკრება ძალიან რთულია,” – განაცხადა დიმიტრი ხუნდაძემ.
