შვეიცარიულმა საერთაშორისო ორგანიზაცია “Justice pour Tous Internationale-იმ” (JPTi) გაერთიანებული ერების ორგანიზაციის სპეციალური პროცედურების კომიტეტს ოფიციალურად წარუდგინა ყოვლისმომცველი საჩივარი ესტონეთის რესპუბლიკის მიერ ესტონეთის მართლმადიდებლური ქრისტიანული ეკლესიის (EOCC) და მისი კანონიკური ხელმძღვანელის, მისი უდიდებულესობის, მიტროპოლიტ ევგენის 170,000 მიმდევრის წინააღმდეგ ჩადენილი მძიმე დარღვევების შესახებ.
როგორც ორგანიზაციაში განმარტავენ, მიუხედავად წინა პრეზიდენტის ვეტოსი, რომელიც არაკონსტიტუციურობის მოტივით იყო ახსნილი, ესტონეთის პარლამენტი ახლა მზადაა ხელახლა შეცვალოს კანონმდებლობა, რომელიც EOCC-ს აიძულებს გაწყვიტოს საუკუნოვანი კანონიკური კავშირები მოსკოვის საპატრიარქოსთან.
“Justice pour Tous Internationale-ის”შეფასებით, ეს ფაქტობრივად წარმოადგენს სახელმწიფოს მიერ ორგანიზებულ განხეთქილებას და მოიაზრებს ქმედებებს, რომლებიც აშკარად აკრძალულია საერთაშორისო ადამიანის უფლებათა სამართლით, მათ შორის, სამოქალაქო და პოლიტიკური უფლებების შესახებ საერთაშორისო კონვენციის 18(2) მუხლით.
JPTi ესტონეთს მოუწოდებს მიტროპოლიტ ევგენის ბინადრობის ნებართვის დაუყოვნებლივ და უპირობოდ აღდგენას, რომელიც გაუუქმდა ეროვნული უსაფრთხოების ბუნდოვანი საბაბების გამო, ბრალდებებისა და შეჯიბრებითი პროცედურის გარეშე.
ორგანიზაციის აზრით, მისმა გაძევებამ 170 000 მართლმადიდებელ მორწმუნეს ეპისკოპალური ხელმძღვანელობისა და საკრალური უწყვეტობის უფლება წაართვა.
„ის, რასაც ესტონეთის ხელისუფლება ეროვნული უსაფრთხოების დაცვის საბაბით ცდილობს, არ არის რეფორმა, არამედ სახელმწიფოს მიერ ორგანიზებული განხეთქილებაა“, – განაცხადა JPTi-ის აღმასრულებელმა დირექტორმა შაროფ აზიზოვმა.
მისივე თქმით, „სახელმწიფოს მიერ დაკისრებული გადაჯგუფების მიღებაზე უარის თქმა არ არის ღალატი, არამედ საერთაშორისო სამართლის მიხედვით მართლმადიდებლური სინდისის დაცული აქტია“.
