პარტია „ხალხის ძალის“ წევრი დავით კაჭარავა ქვეყნის მასშტაბით 12 ახალი სარაგბო მოედნის მშენებლობას მედიასთან ეხმაურება.
„ბოლო პერიოდში არა მარტო რაგბის, არამედ ყველა მიმართულებით, სპორტული ინფრასტრუქტურის მშენებლობა მიმდინარეობს.
დიდი მადლობა ინფრასტრუქტურის სამინისტროს, მუნიციპალური განვითარების ფონდს, მთავრობას, პრემიერ-მინისტრს ირაკლი კობახიძეს ამ ისტორიული გადაწყვეტილებისთვის.
ჩვენ ვიცით, რომ მთავრობამ სპორტი პრიორიტეტად გამოაცხადა და ბოლო პერიოდში არა მარტო რაგბის, არამედ ყველა მიმართულებით, სპორტული ინფრასტრუქტურის მშენებლობა მიმდინარეობს.
ძალიან მნიშვნელოვანია ის, რომ როგორც თბილისში, ასევე მთელი ქვეყნის მასშტაბით 12 სარაგბო მოედანი აშენდება. ეს, რა თქმა უნდა, შესაძლებლობას მისცემს ახალგაზრდებს და არა მხოლოდ ახალგაზრდებს, რომ ამ ახალ, ძალიან მოწესრიგებულ და უმაღლესი სტანდარტების მოედნებზე დაკავდნენ, პირველ რიგში, ჯანსაღი ცხოვრების წესით.
ამასთან, გვექნება შესაძლებლობა, გავზარდოთ სპორტში ჩართული ბავშვების რაოდენობა. ეს სამომავლოდ, რასაკვირველია, მოგვცემს საშუალებას, რომ ძალიან ბევრი პროფესიონალი მორაგბეც გაიზარდოს”, – განაცხადა დავით კაჭარავამ.