“ჩვენზე გაცილებით ძლიერი ქვეყნების – აშშ-ის, ბრიტანეთის ლიდერები ემიჯნებიან უკრაინაში მოხალისეების გაგზავნას, მხოლოდ ქართული რადიკალური ოპოზიციაა, ვინც ახალისებს მოხალისეობას” – მამუკა მდინარაძე

“ჩვენზე ყველა პარამეტრით გაცილებით ძლიერი ქვეყნების ლიდერები – აშშ-ის, ბრიტანეთის, ემიჯნებიან კონკრეტული მკაფიო განცხადებებით მოხალისეების გაგზავნას. საუბარია ქვეყნებზე, რომლებიც სამხედრო შეიარაღებით დახმარებას უწევენ უკრაინას. ეს ქვეყნები ემიჯნებიან მოხალისეების გაგზავნას. მხოლოდ ქართული რადიკალური ოპოზიციაა, ვინც ახალისებს მოხალისეობას”, – განაცხადა “ქართული ოცნების“ აღმასრულებელმა მდივანმა მამუკა მდინარაძემ „იმედის” ეთერში.



„მიმოწერაში ვნახე, ყველაზე დიდი პრობლემა ერთერთი მათ შორის იყო რა, არავინ უხსნის, მეორე მხარე, ვინც ეპატიჟება და მერე 45 000 გრივნაზე და ასეთ თემებზე ელაპარაკება, ქართული კანონმდებლობა და ბევრი ქვეყნის კანონმდებლობა, ევროპული კანონმდებლობა ასეა და არ მგონია გამონაკლისი იყოს რომელიმე სახელმწიფო, ქართული კანონმდებლობის თანახმად, თუ სხვა ქვეყნის ჯარში, მის რიგებში ჩაირიცხები, ავტომატურად კარგავ საქართველოს მოქალაქეობას. ანუ, თუ სხვა ქვეყნის ჯარში ირიცხები, შენ კარგავ იმ ქვეყნის მოქალაქეობას, რომელი ქვეყნის მოქალაქეც ხარ. ამას არავინ უხსნის და შეიძლება ის ადამიანები, ინფორმაციაც ხომ უნდა მიიღონ ჩვენმა მოქალაქეებმა, ფაქტის წინაშე არ აღმოჩნდნენ, იქნებ ჩემი ეს გამოსვლა ამაში წაადგეთ, რომ უნდა იცოდნენ, რაღაც გადაწყვეტილების მიღების დროს, რომ კარგავენ საქართველოს მოქალაქეობას იმ შემთხვევაში, თუ როგორც ის ადამიანი იწერება, ირიცხებიან სხვა ქვეყნის ჯარებში, მაგრამ ეს შეიძლება მართალიც არ იყოს, შეიძლება საერთოდ არ ირიცხებოდნენ და ა.შ.“ – განაცხადა მამუკა მდინარაძემ.