„ახლახან, „CNN-ის“ ჟურნალისტმა ევროკომისიის პრეზიდენტს, ურსულა ფონ დერ ლაიენს დაუსვა კითხვა, რომელიც საქართველოსთან დაკავშირებულ ყალბ ინფორმაციას ეფუძნებოდა. კერძოდ, ჟურნალისტმა განაცხადა, რომ ვრცელდება ცნობები სხვადასხვა ქვეყნის და, განსაკუთრებით, საქართველოს გავლით რუსეთში სანქცირებული საქონლის შეტანის თაობაზე და იკითხა, გადაჭრიდა თუ არა ევროკავშირის სანქციების მომდევნო პაკეტი ამ პრობლემას, რაზეც მიიღო ძალიან ზოგადი პასუხი ევროჩინოსნისგან“, – წერს „ფეისბუკის“ გვერდზე ექსპერტი გია აბაშიძე.

“Fake news (ყალბი ამბები) საქართველოში არ მოგონილა. ეს დასავლეთის მედიისა და პოლიტიკური აქტორების ხშირი “აბორიგენული ნაწარმია”. საერთოდ არ აქვს მნიშვნელობა ამა თუ იმ სუბიექტის წონადობასა თუ ისტორიას. ვინც ავრცელებს გადაუმოწმებელ ინფორმაციას და შეცდომაში შეჰყავს საზოგადოება ნებსით თუ უნებლიეთ, მომავალში მისი დაჯერება ძალიან სათუოა.

“CNN-ი” არ არის ჭეშმარიტების უმაღლესი ინსტანცია, როგორც ეს მავანთ მიაჩნიათ საქართველოში. აშშ-ში ეს აღარცთუ ისე რეიტინგული ტელეარხი არაერთხელ ამხილეს დეზინფორმაციის ტირაჟირებაში. ტყუილის გავრცელების საპირწონეა კონკრეტული მყარი ფაქტები, სტატისტიკა, რასაც გვთავაზობს “ქართული ოცნების” თავმჯდომარე ირაკლი კობახიძე საქართველოზე “CNN-ის” ამასწინდელ, ცრუ რეპორტაჟთან დაკავშირებით.

საქართველო რუსეთში სანქცირებულ პროდუქციას რომ ატარებდეს, 2022 წელს საქართველოდან რუსეთში ექსპორტი არაპროპორციულად უნდა გაზრდილიყო, რაც სტატისტიკაში საერთოდ არ ჩანს. სამაგიეროდ, ევროპის ცალკეული თვალთმაქცი სახელმწიფოები აგრესორ რუსეთთან გაცხოველებულ ვაჭრობას ეწევიან და ამაზე თვალს ხუჭავენ ფსევდოლიბერალი რადიკალი მემარცხენეები.

ასეთია პოსტსიმართლის (Post-truth) ეპოქა – ობიექტური ფაქტები ნაკლებად მნიშვნელოვანია, ვიდრე აღქმები, პირადი სუბიექტური მოსაზრებები და ფარისევლური დაკვეთები.

Ruling party head rejects “false” premise in CNN question to EU leader on sanctioned goods export through Georgia“, – აღნიშნავს აბაშიძე.

გაზიარება