„პრეზიდენტის ადმინისტრაციასთან იდგნენ სააკაშვილის მიერ შვილმოკლული მშობლები. დღესაც მის გასამაგრებლად და მხარდასაჭერად მივიდნენ, ქვეყნის გარედან მიმდინარე ზეწოლის ფონზე, რომ მას ჰქონდეს საზოგადოების იმედი, არ დაექვემდებაროს ზეწოლას და არ დაუშვას საბედისწერო შეცდომა… ამ დროს გამობრძანდა და ხალხს შეურაცხყოფა მიაყენა! რას მომივარდითო!“ – წერს საზოგადოებრივი მოძრაობა „აი იას“ თანადამფუძნებელი ვატო შაქარიშვილი „ფეისბუკში”.
როგორც შაქარიშვილი აღნიშნავს, პრეზიდენტს აბსოლუტურად შეუსაბამო ტონი ჰქონდა.
„პრეზიდენტის ადმინისტრაციასთან იდგნენ სააკაშვილის მიერ შვილმოკლული მშობლები, მისგან დაზარალებულები; ადამიანები, ვისაც ოჯახი გაუნადგურა, ვისაც თავისუფლება შეუზღუდა, ვისაც ქონება წაართვა, ვისაც ჯანმრთელობა დაუზიანა. ის ადამიანები იდგნენ, ვინც ზურაბიშვილი პრეზიდენტი გახადა უდიდესი თავგანწირული ბრძოლის ხარჯზე!
დღესაც მის გასამაგრებლად და მხარდასაჭერად მივიდნენ, ქვეყნის გარედან მიმდინარე ზეწოლის ფონზე, რომ მას ჰქონდეს საზოგადოების იმედი, არ დაექვემდებაროს ზეწოლას და არ დაუშვას საბედისწერო შეცდომა… აქეთ საყვედურების თქმა დაიწყო… იგივე გაიმეორა პრესკონფერენციაზეც და მთავარ კითხვას პასუხი არ გასცა! როგორც ჩანს, მან საკუთარ თავში უკვე გადახედა პასუხს – “არა და არასოდეს!”
ამ პასუხს კი არასოდეს გადახედავს ქართული საზოგადოება და ყველამ უნდა იცოდეს, ვინც რაიმე ფორმით სააკაშვილის თავისუფლებას ხელს აწერს, რომ ამით ხელს აწერს სამოქალაქო დაპირისპირებას!
ვის ინტერესებში შედის ეს ყველაფერი, მგონი, დაზუსტებას არ საჭიროებს…“ – წერს შაქარიშვილი.
