„ძალიან კარგად იცის, რომ არავითარი ხელბორკილით არ არის პატარა საქართველო რუსეთთან მიბმული, არამედ, თავდაუზოგავად იბრძვის ქართული სახელმწიფოებრიობის და საკუთარი მოქალაქეების ფიზიკური გადარჩენისათვის, მაგრამ მაინც ამბობს იმას, რაც უთხრეს და რაც, უნდა თუ არ უნდა, უნდა თქვას!“ – ასე ეხმაურება ექსპერტი ედიშერ გვენეტაძე აშშ-ის სახმელეთო ჯარების ყოფილი მეთაურის გენერალ ბენ ჰოჯესის განცხადებას.
„ძალიან კარგად იცის ამ ბატონმა ყველაფერი, ძალიან კარგად! მაგრამ… დაავალეს და ასე უნდა თქვას! ძალიან კარგად იცის, პატარა საქართველომ უკრაინას რა უპრეცედენტო სახის ჰუმანიტარული დახმარება გაუწია და უწევს!


ძალიან კარგად იცის, ყველა საერთაშორისო ფორუმზე, კონფერენციაზე, ხელმოწერაზე პატარა საქართველო რომ უკრაინის გვერდზე იდგა და დგას!
ძალიან კარგად იცის, რომ პატარა საქართველო საკუთარ მოქალაქეებს აკლებს და უკრაინელ ლტოლვილებს უნაწილებს!
ძალიან კარგად იცის, უკრაინის ხელისუფლება, მიუხედავად ყოველივესი, როგორი უმადურია პატარა საქართველოს მიერ უკრაინის მიმართ გაწეული დახმარებების!
ძალიან კარგად იცის, რომ პატარა საქართველო, თავისი პოლიტგავლენებიდან და ეკონომიკიდან გამომდინარე, მაქსიმალურს რომ აკეთებს უკრაინისადმი!
მაგრამ, როგორც გადამდგარს, როგორც არასამთავრობოს, დავალებიდან გამომდინარე, ძალიან აწუხებს, როგორც ეტყობა, აქ რატომ არ ვართ უფრო მეტად ჩაბმული ომში!
ძალიან კარგად იცის, უკრაინის ხელისუფლება რამდენ პატარა საქართველოდან გაქცეულ კრიმინალს იფარავს და ხელისუფლებაში აწინაურებს!
ამის მოსმენა ფრიად არასასიამოვნო და გულსატკენია იმ ქვეყნის თუნდაც გადამდგარი თანამდებობის პირისაგან, რომელიც თეთრზე შავს ამბობს და პირიქით – შავზე – თეთრს!
რომელიც ჩვენი პატარა ქვეყნის სტრატეგიული პარტნიორია; რომელმაც უდიდესი დახმარებები გაგვიწია 1990-იან და შემდგომ წლებში; რომლის სახელმწიფოებრივი ინსტიტუტები და სამოქალაქო ღირებულებები სანიმუშო და მისაბაძია ჩვენთვის და რომლის დემოკრატიული იდეალების ასე სჯეროდა ჩემს თაობას!“ – წერს ედიშერ გვენეტაძე „ფეისბუკში“.

გაზიარება