“უკვე მერამდენედ ხდება სააკაშვილის ჯანმრთელობის მდგომარეობაზე მორიგი სპეკულაციური კამპანიის აგორება. აბა თუ გაიხსენებთ და დათვლით, რამდენჯერ გამოაცხადეს ის მომაკვდავად, ანუ აქამდე კარგა ხნის გარდაცვლილი უნდა ყოფილიყო. თუმცა, ცოცხალია და თუ ჯანმრთელობის პრობლემები აქვს, ძირითადად, როგორც მისივე ოჯახის დაქირავებულმა ექიმებმა აღნიშნეს, მისი ფსიქო-ნევროლოგიური მდგომარეობის გამო, გამოწვეული პატიმრობის მიუღებლობით”, – წერს “ფეისბუკის” გვერდზე ანალიტიკოსი ზაალ ანჯაფარიძე.

‘მესმის მისი. იმედი ჰქონდა და არწმუნებდნენ, რომ თეთრ ცხენზე ამხედრებული რევოლუციას ჩაუდგებოდა სათავეში და ხელისუფლებას დაამხობდა. თუმცა აღმოჩნდა ციხის ნარებზე, სადაც გულუხვად და “ნულოვანი ტოლერანტობით” აგზავნიდა უდანაშაულო ადამიანებს. ანუ გამწესდა იქ, სადაც წესით უნდა გამწესებულიყო, სხვას რომ თავი დავანებოთ მხოლოდ საზღვრის უკანონო გადმოკვეთის გამო ეკუთვნის ციხე.

იულია ტიმოშენკოს შემთხვევასთან შედარება რატომ ეწყინათ და ეტკინათ “მიშას ორდენოსნებს”? იმიტომ რომ პარალელია ზუსტი. იულიაც მანამდე იჯდა შშმ ეტლში, ვიდრე ქვეყნიდან არ გააყვანინა თავი. და როგორც კი თავი სამშვიდობოზე დაიგულა, მაშინვე მოისროლა ეტლიც. ასე იზამს მიშაც!“ – აღნიშნავს ანჯაფარიძე.

გაზიარება