ლევან ნიკოლეიშვილი: „მტრისასა და ავისას, მანჯგალაძე რომ ქუჩაში გავა თავისი პარტიული ლაშქრითა და მომხრეებით“

„ეს პოლიტიკური ბაქი-ბუქი… პაატა მანჯგალაძე ამბობს, რომ, „როგორც კი აშკარა გახდება, რომ „ქართული ოცნების“ გამო არ გვაძლევენ კანდიდატის სტატუსს, მაშინვე უნდა გამოვიდეს ქუჩაში ასიათასობით ადამიანი – პირველი გავალ მე, რომ პასუხი მოვთხოვო ხელისუფლებას!“
მტრისასა და ავისას, მანჯგალაძე რომ გავა ქუჩაში თავისი პარტიული ლაშქრითა და მომხრეებით. მართალია, ელემენტარული არითმეტიკა არ იცის 10 და 100 ათასი ერევა ერთმანეთში, მაგრამ ხომ გამოვა ქუჩაში!“ – წერს „ფეისბუკის“ გვერდზე ექსპერტი ლევან ნიკოლეიშვილი „სტრატეგია აღმაშენებლის“ წევრის პაატა მანჯგალაძის განცხადებასთან დაკავშირებით.

„წარმოიდგინეთ, დიდ დავით მეფეს, დავით აღმაშენებელს დიდგორის წინ ასევე რომ არეოდა 100 000 და 10, თუნდაც 100-ში, რა დღეში ვიქნებოდით?! ისე, თუ ზურაბ “გირჩი” ჯაფარიძის უაზრო აზრები შეიძლება, ნაწილობრივ, მარიხუანის ზედმეტად მოხმარებას დააბრალო, ვაშაძე-მანჯგალაძის შემთხვევაში მარიხუანის გარეშე „შესანიშნავი აზრების“ გაჩენა რას უნდა დააბრალო, მედიკოსებისთვის მიმინდვია“, – აღნიშნავს ნიკოლეიშვილი.