ლევან ნიკოლეიშვილი „უცხოური გავლენის გამჭვირვალობის შესახებ“ კანონპროექტთან დაკავშირებით განვითარებულ მოვლენებზე: “ამისთვის ანგრევდით ქვეყანას?”

ექსპერტი ლევან ნიკოლეიშვილი სოციალურ ქსელში აზიარებს ვიდეორგოლს, სადაც განმარტებულია, თუ რა ეწერა კანონპროექტში, რომელიც, საზოგადოების მღელვარების გამო, მმართველმა გუნდმა პარლამენტიდან გაიწვია.

„ეს განსაკუთრებით იმათ გეხებათ, ვინც იძახდით და ამტკიცებდით – გინდა თუ არა, რუსული კანონიაო და წაკითხულიც არ გქონდათ! ეს იმათ გეხებათ, ვინც ამტკიცებდით – ამ კანონს თუ მივიღებთ, დასრულდება ჩვენი ევროპელობა და ცხოვრებაო! ყველაზე უფრო კი იმათ ეხებათ, აი, ამ კანონის გამო პარლამენტის აღება და “მოლოტოვის კოქტეილებით” სამართალდამცველებზე ანგარიშსწორება რომ გადაწყვიტეს.
5 სხვადასხვა ნავში მსხდომებისთვის, გემიდან გაქცევის მომლოდინეებისა და მიზეზების მძებნელებისთვის არავითარი მნიშვნელობა რომ არ ჰქონდა, რა კანონი იქნებოდა, ეს უკვე გასაგებზე გასაგებია!
ამისთვის ანგრევდით ქვეყანას?“ – წერს „ფეისბუკის“ გვერდზე ლევან ნიკოლეიშვილი.