„ვიღაცები – სხვა ქვეყანაში რომ ცხოვრობენ, თუნდაც, თანამდებობებზე არიან და ჭკუას გვასწავლიან ვითომ… ჭკუა მათ უნდა ისწავლონ, იმიტომ, რომ ის, რასაც აკეთებენ, არის ქართველი ხალხის წინააღმდეგ წასვლა. დღევანდელ სიტუაციაში ქართველი ხალხის იგნორირება არ შეიძლება“, – განაცხადა ქადაგებისას ბოდბელმა ეპისკოპოსმა მეუფე იაკობმა.

„კონკრეტულ ლიდერებს კი არ უნდა დაუჭირონ მხარი, ხალხის აზრი უნდა გაითვალისწინონ. შაჰ-აბასზე და თემურ-ლენგზე ტყუილად არ ვლაპარაკობდი… შენ რა იცი, უცხოელმა, ჩემს ისტორიაში ვინ არის კარგის გამკეთებელი? რომ მეუბნები, რომ ვიღაც დემოკრატიის შუქურაა, შენთვის შეიძლება იყოს, ჩემთვის კი, იქნებ, გავა წლები და შეიძლება მათ რიგებში ჩავაყენოთ… გმირი კაცი ერშიც გმირია, ბრძოლაშიც გმირია და ციხეშიც გმირია.
გადაგვაყოლეს ახლა. მე გამოვიდოდი და თვითონ ვიტყოდი, რომ დამენახვებინა კაცური საქციელი. ხომ ხედავს, როგორია ხალხის რისხვა? გამოსულიყო და ეთქვა: “მინდოდა, კარგი ქვეყანა ამეშენებინა, მაგრამ მეც ვერ მივაქციე ყურადღება, ვიღაცამ რაღაც დააშავა, ჩემი ბრალია…” ხომ სხვანაირად შევხედავდით? როცა უნდა, ქართველთა პრეზიდენტია, როცა უნდა – უკრაინელია… ნუ გამოუშვებდნენ თავიანთი ქვეყნის პსაჯარო სამსახურში მყოფ ადამიანს და ეს ამბები არ იქნებოდა“, – განაცხადა მეუფე იაკობმა.

გაზიარება