„დღეს მთელი დღეა „ნაცების“ ტელევიზიები გვაწვებიან, რატომ არ ვაძლევთ უკრაინელებს ნაჩუქარ „ბუკებს“ და ჯაველინებს, რომლებსაც თურმე ამერიკელები ახლებით ჩაგვინაცვლებენ“, – ასე ეხმიანება „ხალხის ძალის“ წევრი გურამ მაჭარაშვილი ანდრეი კასიანოვის მიერ გაკეთებულ განცხადებას სარაკეტო კომპლექსების გადაცემასთან დაკავშირებით.

როგორც მაჭარაშვილი აღნიშნავს, ბუკები უკრაინელებმა ომამდე მიჰყიდა საქართველოს.

მისი თქმით, ტყუილი და ომში ჩათრევის მორიგი უსუსური მცდელობაა ის, რაც დღეს კასიანოვმა დაიწყო და ნაცების მედიამ გაახმოვანა!

„და ჩანაცვლება რა საჭიროა, თუ პირდაპირი მიზანი არ არის საქართველო ომში მხარედ წარმოჩინდეს და აქ მეორე ფრონტი გაიხსნას?! პირდაპირ ვერ და არ აძლევენ?? მისცენ ის ახალი ჯაველინები პირდაპირ, საქართველოს ჩამატება ამ სქემაში რა მიზანს ემსახურება სხვას?? ძველი ჯაველინები უკეთესად ისვრიან ახლებზე?? თუ ჩვენთვის ახლები ემეტებათ და უკრაინისთვის – არა?!

და მეორე: არავის არაფერი უჩუქებია, მით უმეტეს ომის დროს არ გადმოუცია! ბუკები ომამდე მოგვყიდეს და საკმაოდ ძვირად! ომის დროს ერთი ცალის გადმოცემის მცდელობაც კი არ ყოფილა!

ტყუილი და ომში ჩათრევის მორიგი, ბოროტი და უსუსური მცდელობაა ის, რაც დღეს კასიანოვმა დაიწყო და ნაცების მედიამ გაახმოვანა!

P. S. იმედია თავდაცვის სამინისტროც გასცემს პასუხს ამ უმსგავსობას და ქართველების საზარბაზნე ხორცად გამოყენების შემოვლით მცდელობას,” – წერს მაჭარაშვილი.

ოფიციალური კიევი თბილისს „ბუკის“ სარაკეტო კომპლექსების დაბრუნებას სთხოვს, რომლებიც საქართველოს უკრაინამ 2008 წლის ომის დროს გადასცა, – ამის შესახებ ნათქვამია საქართველოში უკრაინის საქმეთა დროებითი რწმუნებულის, ანდრეი კასიანოვის სტატიაში, რომელსაც უკრაინული მედია აქვეყნებს.

გაზიარება