„ისტორიამ ბიძინა ივანიშვილს არგუნა ურთულეს ვითარებაში ქვეყნისათვის მსახურება და საქართველოსთვის ომის თავიდან აცილება, რისთვისაც მას სხვადასხვა მეთოდითა და საშუალებით ებრძვიან და თავიანთი ქმედებებით სჯიან ომის მოტრფიალე გლობალური ძალები!“ – წერს ექსპერტი ედიშერ გვენეტაძე „ფეისბუკში“.
როგორც გვენეტაძე აღნიშნავს, ამის დასტურად კმარა ის ორკესტრირებული შეტევა, რომელსაც პირადად ბიძინა ივანიშვილსა და მის ოჯახზე ახორციელებენ მსოფლიო პოლიტიკური და ფინანსური ბნელი ძალები.
„ბ-ნმა ბიძინა ივანიშვილმა არაერთხელ დაადასტურა, რომ ამ ცისქვეშეთში მისთვის უმთავრესი რამ არის დედამიწის ერთ პატარა ადგილას მფეთქავი გული, რომელსაც ჩვენი სამშობლო – საქართველო ჰქვია!
საზოგადოებამ უნდა იცოდეს!
მიუხედავად ყოველი მხრიდან არნახული ზეწოლისა და 2 მილიარდის უკანონოდ წართმევის მცდელობისა, სამშობლოზე უსაზღვროდ შეყვარებულ მამულიშვილს ვერ მოაწერინეს ხელი იმ უბედურებაზე, რასაც საქართველოს ომში ჩართვა ჰქვია!
ამ უბნელესებს, ეტყობა, არ გაუგიათ, რომ ეს დიდი კაცი იმ გორისაა, სადაც დაიწერა: “ვის სიკვდილი მოყვრისათვის თამაშად და მიჩანს მღერად”! ჭეშმარიტად!“ – წერს ედიშერ გვენეტაძე.
