“ეს არის ლოგიკური დასასრული იმ რადიკალური დღის წესრიგისა, რომელიც „ნაციონალურ მოძრაობას“ აქვს, მათ აჯანჯღარეს ეს ქვეყანა და საბოლოოდ თავად მოიშალნენ”, – ასე აფასებს პარლამენტის თავმჯდომარე შალვა პაპუაშვილი „ნაციონალურ მოძრაობაში“ მიმდინარე პროცესებს.

მისივე თქმით, პრობლემაა არა „ნაციონალურ მოძრაობაში“, არამედ იმაშია, რომ ისინი ყველანაირად აცდენილები არიან, როგორც მოსახლეობის ინტერესებს, ისე ელემენტარული დემოკრატიის, სამართლებრივი სახელმწიფოს პრინციპებს.

„ეს არის საერთო ჯამში ის, რაც უნდოდათ, რომ გაეკეთებინათ საკუთარი ქვეყნისთვის და დაემართათ საკუთარ პარტიაში. რაც შეეხება თავმჯდომარის არჩევნებს, ვის აირჩევენ, ამას დიდი მნიშვნელობა არ აქვს. პრობლემა არის არა „ნაციონალური მოძრაობის“ ხელმძღვანელობაში, არამედ არის იმაში, რომ ისინი ყველანაირად აცდენილი არიან როგორც მოსახლეობის ინტერესებს, ისე დემოკრატიის, სამართლებრივი სახელმწიფოს ელემენტარულ პრინციპებს. ასე რომ, საერთო ჯამში, ეს არის პრობლემა. ვიდრე ამ პრობლემას არ გადაწყვეტენ, მნიშვნელობა არ აქვს, ვინ იქნება თავმჯდომარე“, – განაცხადა შალვა პაპუაშვილმა.

გაზიარება