“სამ კაციანი პარტიები კიდევ გვინახავს ქართულ პოლიტიკაში, თუმცა, სამ კაციანი კოალიცია პირველად ვნახეთ. ფაქტია, რომ მათ არანაირი პერსპექტივა არ გააჩნიათ, რადგან უკიდურესი რადიკალიზაციით გამოირჩევიან,’’ – ასე უპასუხა უმრავლესობის წევრმა რატი იონათამიშვილმა ჟურნალისტების შეკითხვას ვაშაძე-ჯაფარიძე-ხოშტარიას განცხადებაზე, რომ საქართველო ვერ მიიღებს კანდიდატის სტატუსს და ქუდზე კაცი ქუჩაში უნდა გამოვიდეს.

როგორც რატი იონათამიშვილმა აღნიშნა, კანდიდატის სტატუსის არმინიჭებით, ქვეყნის შიგნით და გარეთ, ომის პარტიებს ქაოსის გამოწვევა სურთ. თუმცა, მისი თქმით, მათ საზოგადოებამ სათანადო პასუხი გასცა.

,,ერთი მხრივ, საერთოდ არ არიან ჩართული სამუშაო პროცესში, ისინი საკუთარი ნებით გაიქცნენ პარლამენტიდან და ახლა მათგან საუბარი 12 პუნქტის არშესრულებაზე ყველაზე დაბალ პოლიტიკურ სტანდარტსაც სცდება.

მათ ეს გეგმა ჰქონდათ ზაფხულში, როდესაც, ასევე, კანდიდატის სტატუსი თემით უნდოდათ არეულობა და ქაოსი გამოეწვიათ, მაგრამ ჩვენმა საზოგადოებამ მათ მტკიცე უარი უთხრა. როგორც ჩანს, ომის პარტიებს ქვეყნის შიგნით და გარეთ, არც იმის რესურსი არ აქვთ, რომ ამ შეცდომებზე გამოიტანონ დასკვნები, შესაბამისად, მათი ეს ზრახვები ახლაც უშედეგო იქნება,’’ – განაცხადა იონათამიშვილმა.

გაზიარება

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *