“ფეისბუკ” მომხმარებელი აკა ჯიჯიხია ყოფილი შინაგან საქმეთა მინისტრის ვანო მერაბიშვილის ცემის დეტალებს ჰყვება.

როგორც ჯიჯიხია “ფეისბუკის” საკუთარ გვერდზე წერს, მესამე დღეა ყველას მოლოდინი აქვს რომ ყოფილი მაღალჩინოსანი ცემის დეტალებს თავად მოყვებოდა ან მომხდარს უარყოფდა, თუმცა მომხდართან დაკავშირებით ისევ ის ადამიანი ჰყვება, ვინც მერაბიშვილს ფიზიკურად გაუსწორდა.

მისი თქმით, ადამიანი, რომელიც მერაბიშვილს ფიზიკურად გაუსწორდა, ამბობს, რომ “მასეთი შეშინებული და ჩასვრილი ადამიანი ცხოვრებაში არ მინახავსო”.

როგორც გაირკვა ყოფილი მაღალჩინოსანი 2 იანვარს, ვაკეში, გია გაჩეჩილაძის, იგივე უცნობის, სიძემ გიგიშა შარაშიძემ სცემა.

“ორი დღეა ფეისბუკში და ტელევიზიებში მთავარი კითხვაა, მართლა ცემეს თუ არა სისხლისმსმელი რეჟიმის მთავარი საყრდენი, უძლეველი და უშიშარი მერაბიშვილი.

მესამე დღეა არის მოლოდინი, რომ გამოვა და ან დაადასტურებს, ან უარყოფს, ან რა ვიცი, რამეს იზამს, თუმცა როგორც ჩანს თავისიანებსაც უმალავს 🙂
ამიტომ გადაწყვიტა გიგიშამ ისევ თავად ეთქვა:

საინტერესო ის არის, რომ მასეთი შეშინებული და ჩასვრილი ადამიანი ცხოვრებაში არ მინახავსო – ეს იყო მისი პირველი რეაქცია.

მიუხედავად იმისა, რომ ორივე ხელი სერიოზულად დაიზიანა ცოტა ხნის წინ (ერთი დღემდე შეხვეული და ნაგიბსარი აქვს) და წესიერად ვერც მოარტყა, დაფეთებული და აფთიაქიდან უკანმოუხედავად გაქცეული მერაბიშვილისთვის უკანალში წიხლის მიყოლება მაინც შეძლო.

იმანაც კარგად რომ გაასწრო სირბილით, მერე გაბედა უკან მიხედვა. უკანალში მიყოლებულმა წიხლმაც ვერ შეურხია თავმოყვარეობა გიგიშაც ორი დღეა იმაზე ლაპარაკობს, რომ არავისგან არ ითხოვს არც შეწყალებას, არც პატიებას. თუ დანაშაულია, მზად ვარ პასუხი ვაგო, სრულიად შეგნებულად ვიმოქმედე და შესაბამის პასუხისმგებლობას არ გავექევიო.

თუ გამომძიებელი მკითხავს, ვნანობ თუ არა რაც ჩავიდინე, არ მოვატყუებ და ვეტყვი რომ კი, თან ორ რამეს ერთდროულად: ერთი, რომ გამექცა და კარგად ვერ მოვდე და მეორე, საერთოდ რომ მოვუქნიე ხელი, მართლა ვერ წარმოვიდგენდი თუ ეგეთ ბოლომდე ჩასვრილ და ბანძ ტიპთან მქონდა საქმე, თორემ თავიდანვე ამოვაპანღურებდი და ნატკენ ხელებსაც ძალას არ დავატანდიო.

აბა ვანო, გამოდი, გამოჩნდი, ალბათ ვერ იფიქრებდი ვინც ამოგცხო თავად ის თუ მოყვებოდა ამას და შენ კიდე ისეთი შეშინებული სახე გქონია, ზუსტად ხვდება ყველა, რატომ ხარ დაფეთებული და სოროში შემძვრალი. მიშას ნაფანტაზიორები იმიჯიც ჩამოგენგრა ერთ წამში.

თუმცა, რომ მახსენდება შენ და შენმა სიმულიანტმა ბელადმა რა უქენით ჩვენი თაობის ბიჭებს და მათ მშობლებს, საერთოდ არ მეცოდები.
ხელის მოქნევამდე რაც გითხრეს, იმედია მაგას მაინც მოყვები შენ თვითონ, ეგაა მთავარი”, – წერს ჯიჯიხია.

გაზიარება