საზოგადოებრივი მოძრაობა „ხალხის ძალის“ წევრი ეკა სეფაშვილი მსოფლიოს მოწინავე კვლევითი ორგანიზაციისა და ვაშინგტონის N1 ანალიტიკური ცენტრის – Heritage Foundation-ის კვლევის შედეგებს ეხმაურება.
„Heritage Foundation-ის 2023 ინდექსით, საქართველო 40 საუკეთესო ქვეყანათა შორის დასახელდა.
საერთაშორისო (მათ შორის ამერიკელი) ექსპერტები, რომელთა პროფესიონალიზმსა და მიუკერძოებლობაში ეჭვი არავის ეპარება – არც დასავლეთს, არც აღმოსავლეთს და, იმედია, არც საქართველოს რადიკალ/ექსტრემალ ოპოზიციას/ექსპერტებს, ობიექტურ კრიტერიუმებზე დაყრდნობით ადასტურებენ, რომ საქართველოში ვითარება უკეთესია, ვიდრე ევროკავშირისა და ნატო-ს 15 ქვეყანაში და რომ საქართველო ლიდერია რეგიონში, კავკასიასა და შავიზღვისპირეთში.
საერთაშორისო, მათ შორის ამერიკელმა ექსპერტებმა შეფასება მოახდინეს შემდეგი კრიტერიუმებით:
• Perceptions of corruption (კორუფციის აღქმა);
• Risk of bribery (მექრთამეობის რისკი);
• Control of corruption including „capture“ of the state by elites and private interests (კორუფციის კონტროლი, მათ შორის სახელმწიფოს „მიტაცება“ ელიტური და კერძო ინტერესებისთვის).
კვლევისას გაანალიზდა ისეთი მანკიერი მხარეებისაგან ქვეყნების თავისუფლება, როგორებიცაა: მოსყიდვა, გამოძალვა, ნეპოტიზმი, ქრონიზმი, პატრონაჟი (კლანური მმართველობა), გაფლანგვა, პირადი გამორჩენა და აღმოჩნდა, რომ ამ ყველაფერს საქართველო წარმატებულად ებრძვის.
აღსანიშნავია, რომ 21-ე საუკუნეში საქართველოს „მთავრობის კეთილსინდისიერების“ ინდექსით ყველაზე ცუდი შეფასება 2005-2007 წლებში ჰქონდა, ხოლო 2004-2012 წლებში საქართველოში ვითარება შეფასებული იყო „ზერეპრესიული ზონად“ და 1-ჯერ „რეპრესიულ ზონად“. 2023 წელს კი საქართველო „მთავრობის კეთილსინდისიერების“ მიხედვით „საშუალოდ თავისუფალი ზონაა“ და ამ მაჩვენებლით მსოფლიოს საშუალო მაჩვენებელს მკვეთრად აღემატება“, – აღნიშნავს სეფაშვილი.
