„თსუ-ში ნინო ლომჯარიასთან შეხვედრაზე რამდენიმე სტუდენტმა „ზედმეტი ცნობისმოყვარეობა“ გამოიჩინა, რასაც მათი ბულინგი და სუს-ის აგენტების იარლიყის მიკერება მოჰყვა“ – ზაალ ანჯაფარიძე

„რატომ არ მჯერა მე და რატომ არ სჯერა ბევრს მიტინგის მოთავე თუ მონაწილე ერთი ჯგუფის პროევროპულობის? იმიტომ, რომ მეთოდები აქვთ არა ევროპული, არამედ კომუნისტური და ჩეკისტური. ახლახან მაცნობეს თსუ-ში მომხდარი, როგორც მეუბნებიან, რეალური ამბავი. “ნაცებთან” დაახლოებულმა პროფესურამ, თურმე, აუდიტორიაში სპიკერად მიიწვია ნინო ლომჯარია, რომლისგანაც, ჯერჯერობით, წარუმატებლად ძერწავენ ლიდერს“, – წერს ანალიტიკოსი ზაალ ანჯაფარიძე.

“შეხვედრაზე, რომლის თემაც იყო კანონპროექტი უცხო ქვეყნის გავლენის აგენტებზე, რამდენიმე სტუდენტმა გამოავლინა „ზედმეტი ცნობისმოყვარეობა“ და დასვა „არასაჭირო“ კითხვები, კერძოდ – რა იყო ცუდი არასამთავრობო ორგანიზაციების მეტ გამჭვირვალობაში და ა.შ. იქ იმათ, თურმე, დღე აყარეს! სანამ დარბაზს დაატოვებინებდნენ, ჩეკისტურ სტილში დაუწყეს ბულინგი, მოსთხოვეს ვინაობის და ტელეფონის დასახელება, უწოდეს სუს-ის აგენტები, “ნასედკები” და ა.შ.
როგორც ჩანს, ცნობილი ლოზუნგი – „ვარ ქართველი და, მაშასადამე, ევროპელი“ ყველამ თავის თარგზე მოჭრა“, – წერს ანჯაფარიძე „ფეისბუკის“ გვერდზე.