“ხალხნო, წარმოიდგინეთ, ეს მცირერიცხოვანი პასიონარული და კარგად დაფინანსებული ჯგუფი რა დღეში ამყოფებს ჩვენს საზოგადოებას, ხელისუფლებას და ყველას,” – ასე ეხმიანება ანალიტიკოსი ზაალ
ანჯაფარიძე ექიმ თენგიზ წულაძის მიერ მიხელ სააკაშვილის ჯანმრთელობის მდგომარეობასთან დაკავშირებით გაკეთებულ განცხადებას.
როგორც ანჯაფარიძე წერს, უკვე მეორე ექიმი აცხადებს, რომ სააკაშვილი ვერ ეგუება ციხის გარემოს და გაყვანილი უნდა იყოს სხვა გარემოში, რომ მისი მდგომარეობა გაუმჯობესდეს.
“რამდენად შეიძლება ეს იქნას გამოყენებული ან მიღებული არგუმენტად? დამისახელეთ მსოფლიოში, იშვიათი გამონაკლისის გარდა, ადამიანი ვინც იტანს პატიმრობის გარემოს. ვერ იტანენ, მაგრამ ეგუებიან რადგანაც კანონი დაარღვიეს.
ანუ, უნდათ სიტუაციის დაყვანა რაღაც აბსურდის თეატრამდე, რომ ამ აბსურდის თეატრში მიაღწიონ მიშას ციხიდან გაყვანას,” – წერს ანჯაფარიძე.
