„ხალხის ძალის“ წევრი დავით ქართველიშვილი აშშ-ში წინასაარჩევნოდ მიმდინარე პოლიტიკურ პროცესებს “ფეისბუკის” გვერდზე ეხმაურება.
„ნაცსექტანტებსა და კამალა ჰარისის საარჩევნო პროცესებს ერთი და იგივე სცენარისტები რომ ჰყავთ, ამაში ერთხელაც შეგვიძლია დავრწმუნდეთ. 11 სექტემბრის დებატების წინ კანდიდატად დასახელებიდან „თაფლობის თვის” დასრულებისთანავე, კამალა ჰარისის რეიტინგები კიდევ უფრო გაუფასურდა. ამიტომ, მას „ტრანკვილიზატორის” მოშველიება დასჭირდა: დებატების წინ იელის უნივერსიტეტის მიგრაციის, რასობრივი და ეთნიკური კუთვნილების კათედრის დოცენტმა დანიელ მარტინეს ჰო სანგმა „გენიალური” ნაშრომი გამოაცხო – „აი, რა გველის დონალდ ტრამპის გაპრეზიდენტების პირველივე დღეს”.
ამ დოცენტმა ამომრჩევლის მაქსიმალური დაშინება სცადა: პირველი, რასაც „გააკეთებს” ტრამპი – საჯარო სექტორში დასაქმებულ ყველა ლიბერალს მემარჯვენე კონსერვატორებით ჩაანაცვლებს; შემდეგ, მიგრანტების მასობრივ დეპორტაციას განახორციელებს, განსაკუთრებით იმ შტატებიდან, სადაც დემოკრატებს უჭერენ მხარს; აუცილებლად „მოახდენს” პორნოგრაფიისა და აბორტების კრიმინალიზაციას; შეჩერდება ფედერალური საზოგადოებრივი მაუწყებლობების დაფინანსება; მწვანე შუქი აენთება პოლიტიკურ ოპონენტებთან შურისძიების პროცესებს; სამოქალაქო ცხოვრების მართვის ცენტრში დააყენებენ ქრისტიანულ ნაციონალიზმს…
ამ ნაშრომს ფინალური აკორდიღა აკლდა: „და სავალდებულო გახდება, დედას „დედა“, ხოლო მამას – „მამა“ უწოდო“, რასაც უკვე, დებატებამდე, ქვეყანაში მასობრივი სუიციდი მოჰყვებოდა…“ – წერს ქართველიშვილი.
