„ქართული ოცნების” ჯარისკაცებო, ნამდვილებო, გილოცავთ თავისუფლების დაბრუნების დღეს“, – წერს სოციალურ ქსელში „ქართული ოცნების“ რეგიონული მდივანი დიმიტრი სამხარაძე.
„12 წელი გავიდა, რაც ერისკაცის, ბატონი ბიძინა ივანიშვილის თაოსნობით, ქვეყნისთვის მნიშვნელოვან არჩევნებში გავიმარჯვეთ და გადარჩა საქართველო! ტერორს, რომელსაც ნაცრეჟიმი საკუთარ მოსახლეობას უწყობდა, წარსულს ჩაბარდა! ქუჩებში ახალგაზრდების დემონსტრაციული მკვლელობები, წამება, გაუპატიურებები ციხეებში და პოლიციის შენობებში, ნაცჯალათი ხელისუფლებისთვის ჩვეულებრივი სტანდარტი იყო!
ყველასთვის ცნობილი იყო “ნაცების” სისხლიანი მმართველობა, მაგრამ ტოტალური შიშის დამთესთა წინააღმდეგ მაშინდელი ოპოზიცია უძლური იყო; არ არსებობდა ლიდერი, რომელიც ხალხის გაერთიანებას მოახერხებდა! ოჯახის წევრები საკუთარ სახლში ყურთან ჩურჩულით საუბრობდნენ, მანიაკ სააკაშვილზე კრიტიკა მრავალწლიანი ციხით ან მკვლელობითაც ისჯებოდა!
2011 წელს ერისკაცმა პოლიტიკაში მოსვლის განცხადება გააკეთა, საკუთარი და ოჯახის წევრების უსაფრთხოება სასწორზე დადო, დაუპირისპირდა ბოროტებას, გააერთიანა საზოგადოება და ერთ წელიწადში, 1-ელი ოქტომბრის საპარლამენტო არჩევნებზე გამარჯვებით გადაარჩინა საქართველო და ქართველი ხალხი!
დღესაც, ბატონი ბიძინა იბრძვის, მის გუნდთან ერთად, საქართველოს გადასარჩენად და ჩვენი მომავალი თაობებისთვის ღირსეული ქართული მომავლის შესაქმნელად! დღესაც, საფრთხის წინაშე დააყენა საკუთარი თავი და ოჯახი, რომ საქართველოში მშვიდობა შეინარჩუნოს!
გუნდი, რომელიც ერისკაცმა შექმნა, ორიენტირებულია საქართველოს მოსახლეობის ინტერესების დაცვაზე, კეთილდღეობაზე, ჩვენი წინაპრების პატივისცემაზე, მომავალი თაობების ზრუნვაზე, ეკლესიისა და ქართული სულის გაძლიერებაზე! მიხარია და ვამაყობ, რომ ვარ “ქართული ოცნების” დიდი ოჯახის წევრი! ვიცი და მწამს, რომ ერისკაცის – ბიძინა ივანიშვილის წინამძღოლობით საქართველო ერთიანი და ძლიერი სახელმწიფო გახდება! თუ 2012 წლის 1-ელი ოქტომბერი იყო თავისუფლების დაბრუნების დღე, 26 ოქტომბერი იქნება საქართველოს დაცვისა და მშვიდობის შენარჩუნების დღე!“ – წერს დიმიტრი სამხარაძე „ფეისბუკის“ გვერდზე.
