კორუფციის კონტროლის მხრივ, საქართველო კავკასიასა და შავიზღვისპირეთში პირველ ადგილზეა. მონაცემებს „მსოფლიო მმართველობის ინდიკატორები“ აქვეყნებს.
კორუფციის კონტროლი ფასდება მმართველი ძალების მიერ საკუთარი უფლებამოსილების პირადი ინტერესებისთვის გამოყენების პრაქტიკით. შეფასება მოიცავს როგორც ქვედა დონეზე კორუფციას, ისე ელიტური კორუფციის შეფასებას.
„კორუფციის კონტროლის მხრივ, საქართველომ შეფასების რანგირების 100%-იანი სკალიდან 71,2%-ი მიიღო და კავკასიასა და შავიზღვისპირეთში პირველ ადგილზე გავიდა.
კორუფციის კონტროლით (მათ შორის, ელიტური კორუფციისგან თავისუფლებით) საქართველო უსწრებს დიდი შვიდეულის ერთ, ევროკავშირის 10 ქვეყანას, ნატო-ს წევრ 12 სახელმწიფოს და ევროკავშირის ყველა კანდიდატს. ეს ქვეყნებია: იტალია, პოლონეთი, კვიპროსი, მალტა, სლოვაკეთი, ხორვატია, უნგრეთი, საბერძნეთი, რუმინეთი, ბულგარეთი, ჩრდილოეთ მაკედონია, მონტენეგრო, ალბანეთი, თურქეთი და ა.შ.
საქართველო პოსტსაბჭოთა ქვეყნებიდან მხოლოდ ბალტიისპირეთს ჩამორჩება.
გლობალური მმართველობის ინდიკატორების ამ მეგა კვლევაში საქართველო კორუფციის კონტროლის პარამეტრით 9 საერთაშორისო შემფასებელმა ცენტრმა შეაფასა, სადაც, 9-და 7 ორგანიზაციის შეფასებით, საქართველო საუკეთესო ოცეულში ან ევროპის საუკეთესო ოცეულში მოხვდა.
აქვე მითითებულია, რომ შემფასებელი ორგანიზაციები არიან:
1. Bertelsmann Transformation Index (BTI) (ბეტსელმანის ტრანსფორმაციის ინდექსი)
2. Economist Intelligence Unit (EIU) “ეკონომისტ ინტელიჯენს იუნითი”
3. Freedom House (“ფრიდომ ჰაუსი”)
4. The Gallup Organization (კვლევითი ცენტრი „გელაპი“)
5. World Bank Enterprise Surveys (WBS) (მსოფლიო ბანკის სამეწარმეო გამოკვლევა)
6. S&P Global
7. Varieties of Democracy Project at the University of Gothenberg and University of Notre Dame („დემოკრატიის მრავალფეროვნება“ – გოტენბერგისა და ნოტერდამის უნივერსიტეტების პროექტი)
8. World Justice Project Rule of Law Index (მსოფლიო მართლმსაჯულების პროექტის კანონის უზენაესობის ინდექსი)
9. World Economic Forum Global Competitiveness Survey (GCS) (მსოფლიო ეკონომიკური ფორუმის გლობალური კონკურენტუნარიანობის კვლევა).
კვლევაში შეტანლია შემდეგი დეტალური მონაცემებიც:
„Bertelsmann Transformation Index (BTI) (ბეთსელმანის ტრანსფორმაციის ინდექსი) – ამ კვლევითი ცენტრის ექსპერტული შეფასებით, საქართველო, კონკურენტულად ანტიკორუფციული პოლიტიკის მიხედვით, 137 ქვეყანას შორის მე-16 პოზიციაზეა.
„Economist Intelligence Unit (EIU) (“ეკონომისტ ინტელიჯენს იუნითი”) – ორგანიზაციამ მსოფლიოს 180 სახელმწიფო და ტერიტორია შეისწავლა ისეთი წამყვანი მიმართულებით, როგორიცაა საჯარო მოხელებისა და თანამდებობის პირების კორუფცია. მსოფლიო ბანკის წევრ სახელმწიფოთა შორის საქართველომ კორუფციისაგან თავისუფლების მიხედვით მსოფლიო მასშტაბით მე-20 შედეგი აჩვენა, ევროპის მასშტაბით კი – მე-10 (საფრანგეთთან, ესტონეთთან, ჩეხეთთან, და ბელგიასთან ერთად, თანაბარი შეფასებით).
Freedom House (“ფრიდომ ჰაუსი”) – ორგანიზაციის შეფასების მიხედვით, საქართველო გამოკვლეულ ქვეყნებს შორის, კორუფციის კონტროლით მე-10 ადგილზე გავიდა.
The Gallup Organization (ორგანიზაცია “გელაპი”) – ამ ორგანიზაციის გლობალური გამოკითხვის მიხედვით _ „არის თუ არა გავრცელებული კორუფცია ხელისუფლებაში“, საქართველო, მსოფლიოს 137 ეკონომიკას შორის, კორუფციისგან თავისუფლებით საუკეთესო ოცეულში მე-16 პოზიციაზე, ევროპაში კი მე-11 ადგილზე მოხვდა.
Varieties of Democracy (პროექტი „დემოკრატიის მრავალფეროვნება“) – კვლევითმა ცენტრმა, მსოფლიოს აკადემიურ ექსპერტთა შეფასებით, 174 ქვეყანა გამოიკვლია, სადაც საქართველო კორუფციისგან თავისუფლებით მსოფლიოში 37-ე ადგილზე გავიდა.
World Justice Project Rule of Law Index (კანონის უზენაესობის ინდექსი) – „მსოფლიო მართლმსაჯულების პროექტის“ მიერ წარმოებული კანონის უზენაესობის ინდექსის მიხედვით, საქართველო კორუფციისაგან თავისუფლებით მსოფლიოში 33-ე, ევროპის საუკეთესო ოცეულში მე-20 ადგილზე გავიდა.
World Economic Forum Global Competitiveness Survey (GCS) – მსოფლიო ეკონომიკური ფორუმის გლობალური კონკურენტუნარიანობის გამოკითხვის შედეგების მიხედვით მომზადებული შეფასების საფუძველზე, საქართველო, კორუფციის კონტროლით, სახელმწიფოებს შორის მსოფლიოში მე-20, ევროპაში კი 11-ე პოზიციაზე გავიდა.
World Bank Enterprise Surveys (WBS). – მსოფლიო ბანკის სამეწარმეო გამოკვლევის მიხედვით, საქართველო მე-13 ადგილზე გავიდა, ევროპაში კი – მე-6 და მე-7 პოზიციაზე”.
მსოფლიო მმართველობის ინდიკატორები (World Governance Indicators) წარმოადგენს კვლევით მონაცემთა ბაზას, რომელიც სრულად ეფუძნება სხვადასხვა გლობალურ რეიტინგსა და შეფასებებს (მაგ., Freedom House, IREX Media Sustainability Index, Open Budget Index, World Justice Project და ა.შ. სულ – 33 ). აღნიშნული მონაცემები, თავის მხრივ, ეყრდნობა კვლევითი ინსტიტუტებისა და ცენტრების, არასამთავრობო და საერთაშორისო ორგანიზაციებისა და კერძო სექტორის წარმომადგენლების გამოკითხვის შედეგად მიღებულ მოსაზრებებსა და შეფასებებს. არსებული გლობალური რეიტინგების აგრეგაციის გზით, გლობალური მმართველობის ინდიკატორების მიერ ხდება ახალი ერთიანი მაჩვენებლების მიღება. გლობალური მმართველობის ინდიკატორებით მსოფლიოს მასშტაბით ფასდება 214 ქვეყანა და ტერიტორია, მათ შორის, მსოფლიო ბანკის წევრი 189 სახელმწიფო.
