“Galt & Taggart-ი” თვის ეკონომიკურ მიმოხილვას აქვეყნებს, რომლის თანახმადაც, საქართველოს ეკონომიკური ზრდის საბაზისო პროგნოზს 5.0 %-დან 6.8%-მდე ზრდის.
აღსანიშნავია, რომ თებერვლის მონაცემებით, ქვეყანაში ეკონომიკა, იანვრის 11.1%-იანი ზრდის შემდეგ, 7.7%-ით გაიზარდა. ამასთან, იანვარი- თებერვლის საშუალო მაჩვენებელი 9.4%-ია.
2025 წლის თებერვალში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: პროფესიული, სამეცნიერო და ტექნიკური საქმიანობები, ინფორმაცია და კომუნიკაცია, ტრანსპორტი და დასაწყობება, ენერგეტიკა, სამთო-მოპოვებითი მრეწველობა.
“Galt & Taggart-ის” ზრდის პროგნოზის გადახედვა მოსალოდნელზე მეტად ძლიერი ეკონომიკური ზრდით არის განპირობებული.
აღნიშნულის პარალელურად, “Galt & Taggart-ი” ინფლაციის პროგნოზს ამცირებს და მოელის, რომ 2025 წელს საშუალო წლიური ინფლაცია 3.7% იქნება (“Galt & Taggart-ის” წინა პროგნოზით, 3.9%-იანი ინფლაცია იყო მოსალოდნელი).
