“დღეს კიდევ ერთი პროტესტი აგორდა, ბალდის კანიონის ტერიტორიაზე ბიომრავალფეროვნებაზე ზემოქმედების შეფასების მიზნით მისული ექსპერტთა ჯგუფი აქტივისტებმა არ შეუშვეს. სადამდე უნდა გაგრძელდეს ქვეყნის მშენებლობაში ხელის შეშლა, ვინ არის ის ჯგუფი და საიდან ფინანსდება, ვინც ორგანიზებას უწევს ამ პროტესტს, გასარკვევია”, – წერს ექსპერტი ნინო ფოჩხუა სოციალურ ქსელში.
ფოჩხუას აზრით, პროექტის გაჩერების მოთხოვნა პირდაპირი საბოტაჟია, როგორც ინვესტიციების განხორციელების, კურორტების აღორძინების, თუ ადგილობრივების დასაქმების კუთხით.
„მე მესმის შეიძლება იქ რაღაც თემებზე იყოს აზრთა სხვადასხვაობა, მაგრამ პროექტის გაჩერება მოითხოვო, არაფერში ჯდება. ეს ხომ პირდაპირი საბოტაჟია ინვესტიციების განხორციელების, კურორტების აღორძინების, ადგილობრივების დასაქმების და ა.შ. ეს ხომ პირველი შემთხვევა არ არის, გავიხსენოთ ვარლამ გოლეთიანი. მიუხედავად იმისა, რომ სააგენტოს წარმომადგენლებმა გამოიჩინეს მაღალი პასუხისმგებლობა, თავიდან აიცილეს სიტუაციის ესკალაცია და დატოვეს ტერიტორია, პროცესი აუცილებლად გაგრძელდება, ქვეყნის განვითარებას ხელს ვერავინ შეუშლის“, – წერს ნინო ფოჩხუა სოციალურ ქსელ “ფეისბუკზე”.
