“თელავის მომავალი აეროპორტი. ახალი ტერმინალის პროექტირებაზე გამოცხადებულ კონკურსში 13 კომპანია მონაწილეობდა. ჟიურიმ მათ შორის საუკეთესო კონცეპტ-დიზაინის პროექტად არქიტექტორ გიორგი ხმალაძის (შპს ,,ხმალაძე არქიტექტორები”. “ბიოლის” კურორტი კოჯორში, ყავის ქართული კომპანია „მეამას“ ოფისი, ბათუმის “მაკდონალდსი” და ბევრი სხვა პროექტი) ნამუშევარი დაასახელა“, – წერს სოციალურ ქსელში ანალიტიკოსი გია აბაშიძე.
როგორც აბაშიძე აღნიშნავს, აეროპორტების გაერთიანებამ გამარჯვებულ კომპანიასთან ხელშეკრულება უკვე გააფორმა.
„პროექტის მიხედვით:
✅აშენდება ახალი ტერმინალი – 200,000 მგზავრზე მეტი გამტარუნარიანობით
✅სრულად განახლდება და დაგრძელდება ასაფრენ-დასაფრენი ზოლი 1,7 კმ-მდე
✅მოეწყობა თანამედროვე სანავიგაციო სისტემები
✅აშენდება ახალი სანავიგაციო კოშკურა
✅ თელავის აეროპორტი მიიღებს შიდა ფრენებს ბათუმიდან, ქუთაისიდან, ამბროლაურიდან და მესტიიდან, რაც ხელს შეუწყობს რეგიონებს შორის შიდა და საერთაშორისო მოგზაურების მობილობის გაზრდას და მეტ ეკონომიკურ სარგებელს მოუტანს კახეთის რეგიონსა და კახელებს”, – წერს აბაშიძე.
