ნანა კაკაბაძე: “ანტი-ქართულად მოაზროვნე ადგილობრივი პოლიტიკოსები და „ენჯეოშნიკები“ დიდი მონდომებით ცდილობენ თავის წარმოჩენას თავგადაკლულ „მედასავლეთეებად, დემოკრატებად, ანტირუსებად“ და ვერც გრძნობენ, როგორ კომიკურ მდგომარეობაში იგდებენ თავს”

სამაგიეროდ, პრო-დასავლურია ფაქტობრივად ტალიავინის დასკვნის საფუძველზე შედგენილი, ევროპარლანენტის ის რეზოლუცია, რომელსაც ნაცებმა თავის დროზე ტაშის გრიალით მისცეს ხმა. ამის მიზეზი ისაა, რომ სწორედ ნაცები თვლიან საკუთარ თავს ყველაზე დიდ „მედასავლეთე, დემოკრატ და ანტირუს“ გმირებად.

რაც მთავარია, „მედასავლეთე, დემოკრატი და ანტირუსი“ გმირია ყველა, ვინც გაბედულად აგინებს დედას პუტინს და რუსებს, უშიშრად უქნევს მუშტებს მათ „ჟანგიან ტანკებს“, თუმცა, ამ ტანკების დანახვაზე თავქუდმოგლეჯილი გარბის წითელ ხიდთან, ქვეყნის საზღვართან.

ასევე გმირია ყველა „მედასავლეთე, დემოკრატი და ანტირუსი“, ვინც მოითხოვს დედაქალაქის ცენტრალურ გამზირზე გეი-აღლუმის ჩატარებას, ვინც პატიმართა რაოდენობით, ვინც ციხეებს მართავდა წამებებითა და ღირსების შემლახავი მოპყრობი და შიშის დათესვის მეთოდებით მსოფლიოში სახელს უტეხდა ჩვენს ქვეყანას, ვინც პროკურატურის ჯიბეში მიუჩენს ადგილს სასამართლოს, ახალისებს გაკულაკებას, ბიზნეს-რეკეტს, ელიტურ კორუფციას, სტრატეგიული ობიექტების რუსეთზე გადაცემას, ვინც მოითხოვს პროკურორის, ცესკოს თავმჯდომარის, მოსამართლეების და სხვა საპასუხისმგებლო თანამდებობის პირების უცხოელების მიერ დანიშვნას და ქვეყნის სუვერენიტეტის დიდი ნაწილის „დაუძინებელი მეგობრებისთვის“ გადაცემას.

პროდასავლურია ყველა, ვისაც ოკუპანტთან საქმიან მოლაპარაკებას ურჩევნია მავთულხლართებთან შარვალჩახდილ მდგომარეობაში ფოტოების გადაღება.

ბოლოს, ყველაზე მეტად პროდასავლურია ის, ვინც ყოფილი ომბუდსმენის ნინო ლომჯარიას და მისი ყოფილი მოადგილის მსგავსად მოგვიწოდებენ, რომ ქვეყნის თავზე რუსული ბომბების ცვენა გამოვიწვიოთ და ევროპისკენ ასკინკილით ვიმოძრაოთ, რათა ამით უფრო მეტად მოვაწონოთ თავი ევროპელებს”, – წერს ნანა კაკაბაძე სოციალურ ქსელ “ფეისბუკში”.