ოზურგეთის მუნიციპალიტეტის სოფელ გურიანთაში ახალი საბავშვო ბაღის მშენებლობა დაიწყო.
მიმდინარე სამუშაოებს ოზურგეთის მერი ავთანდილ თალაკვაძე მოადგილესთან, გიორგი ღურჯუმელიძესთან და საკრებულოს წევრებთან ერთად გაეცნო.
ახალი საბავშვო ბაღი, Design-Build მეთოდით, 75 ბავშვზე იქნება გათვლილი. მოეწყობა შიდა და გარე სივრცეები, კომუნიკაციები და სველი წერტილები.
სკოლამდელი აღზრდის დაწესებულება სრულად იქნება ადაპტირებული განსაკუთრებული საჭიროებების მქონე პირთათვის.
პროექტი, რომლის ღირებულებაც 1 482 623 ლარს შეადგენს, რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის დაფინანსებით ხორციელდება.
ინფორმაციას ოზურგეთის მერია ავრცელებს.
