“უსამშობლოები ზურაბიშვილიდან–ნათელაშვილამდე!!! აღარ დამთავრდა ორკესტრირებული ქვეყნის შიდა საქმეებში ჩარევის მცდელობა. ამჯერად, არც გერმანიის კანცლერი ოლაფ შოლცი იყო გამონაკლისი“, – წერს ექსპერტი ნინო ფოჩხუა “ფეისბუკის” გვერდზე, რითაც ეხმიანება პრემიერ ირაკლი კობახიძის და გერმანიის კანცლერ ოლაფ შოლცის შეხვედრას და ამ შეხვედრაზე რადიკალური ოპოზიციის რეაქციებს.
“ის რაც შეიძლება მათთვის, არ შეიძლება ჩვენთვის, ასე უყურებენ ჩვენს ქვეყანას და ყველაფერს აკეთებენ იმისთვის, რომ როგორმე დაგვაბრუნონ იმ დროში, როცა უპირობოდ სრულდებოდა მათი ბრძანებები.
იმას ვერ ხვდებიან, რომ აღარ არის ის დრო, ხელისუფლებაში აღარ არიან ქვეყნის გამყიდველები, ქვეყნის საზიანო გადაწყვეტილებების უპირობო მიმღებები.
ვუსმენდი ირაკლი კობახიძეს და ვიყავი ამაყი.
ეს იყო ღირსეული, სახელმწიფოებრივად მოაზროვნე ლიდერის პასუხი კანცლერის მიმართ.
ამ ურთულეს პერიოდში, როცა არ ვიცით რა გველოდება ხვალ, უმნიშვნელოვანესი დავიცვათ ჩვენი ქვეყნის დამოუკიდებლობა“, – წერს ნინო ფოჩხუა.
