“აი, ეს არის უბედურება – რომ ვიღაც შარლატანი ასეთ რამეს ბედავს; ჩამოდის ჩვენს ქვეყანაში და ჩვენივე მოქალაქეზე პასუხისმგებლობის დაკისრებას ითხოვს. აქ მარტო ბიძინა ივანიშვილზე არაა საუბარი, – აქ საუბარია იმაზე, რომ კრამერს თუ ვინმე არ მოსწონს, თურმე, შეუძლია გაბედოს, ასეთი რამ მოითხოვოს”, – ასე ეხმაურება “ფეისბუკის” გვერდზე „ერთიანი ნეიტრალური საქართველოს“ წევრი ლევან ნიკოლეიშვილი ჯორჯ ბუშის საპრეზიდენტო ინსტიტუტის დირექტორის – დევიდ კრამერის განცხადებას, რომლის თქმითაც, ბიძინა ივანიშვილის განცხადებები სასარგებლო არ არის და დროა, მას პასუხისმგებლობა დააკისრონ.
„დევიდ კრამერს, “თბილისი რუმსის” კიდევ ერთი “შეთქმულების” უცხოელ მავნებელს, თურმე, არ სურს ბიძინა ივანიშვილის ხილვა, საუბრის მოსმენა, ქმედებები… მოკლედ, სიძულვილისგან ჭკუიდან იშლება, ამიტომ დიდი ხანია, სურს, რომ პასუხისმგებლობა დააკისროს: მაგალითად, სანქციები, პატიმრობა, დახვრეტაც შეიძლება…
აი, ეს არის უბედურება – რომ ვიღაც შარლატანი ასეთ რამეს ბედავს; ჩამოდის ჩვენს ქვეყანაში და ჩვენივე მოქალაქეზე პასუხისმგებლობის დაკისრებას ითხოვს. აქ მარტო ბიძინა ივანიშვილზე არაა საუბარი, – აქ საუბარია იმაზე, რომ კრამერს თუ ვინმე არ მოსწონს, თურმე, შეუძლია, გაბედოს და ასეთი რამ მოითხოვოს. ალბათ, ერთხელ და სამუდამოდ უნდა დასრულდეს ასეთი უმსგავსობების გამოვლინებები საქართველოში -კოლექტიურ კრამერებს საერთოდ უნდა აეკრძალოთ ჩვენს ქვეყანაში შემოსვლა. რაც შეეხება მის საქართველო მომწვევ და ტაშისმკვრელ მავნებლებს, 26 ოქტომბერს პოლიტიკურ სანაგვეზე მიეჩინება შესაბამისი ადგილი“, – წერს ნიკოლეიშვილი.
