„ხალხის ძალის“ წევრი თამთა მეგრელიშვილი IPSOS-ის კვლევის ავტორის, პროფესორი იან ვან დაიკის საქართველოს შესახებ შეფასებას ეხმიანება, რომელიც აღნიშნავს, რომ „საქართველო ყოფილი საბჭოთა ქვეყანაა და ყოფილი საბჭოთა ქვეყნების უმრავლესობას სერიოზული პრობლემები აქვს მართლმსაჯულების დამოუკიდებლობის კუთხით, შესაძლოა, საქართველო ამ ქვეყნებისთვის სანიმუშო მაგალითად გამოდგეს”.
„არაერთი საინტერესო კვლევის მიხედვით დასტურდება, რომ საზოგადოების მხრიდან შეინიშნება დარწმუნებულობის მაღალი ხარისხი სასამართლოს ინსტიტუტის მიმართ.
საზოგადოების უმრავლესობა აღიარებს, რომ ამ ინსტიტუტს ნამდვილად გააჩნია შესაბამისი კომპეტენცია გადაწყვიტოს მის წინაშე წამოჭრილი დავა და მოსახლეობის უმრავლესობას აქვს ღია მოლოდინი იმისა, რომ სასამართლო ამას გააკეთებს დამოუკიდებლად, ყოველგვარი მიკერძოების გარეშე, მარწმუნებლის მიერ გაზიარებული ღირებულებებისა და მისი ინტერესების შესაბამისად.
ამ ყოველივეს დასტურია ფრანგული კომპანია IPSOS-ის კვლევის ავტორის, პროფესორი იან ვან დაიკის სიტყვები-
„საქართველო ყოფილი საბჭოთა ქვეყანაა და ყოფილი საბჭოთა ქვეყნების უმრავლესობას სერიოზული პრობლემები აქვს მართლმსაჯულების დამოუკიდებლობის კუთხით, შესაძლოა, საქართველო ამ ქვეყნებისთვის სანიმუშო მაგალითად გამოდგეს”.
ამ მიმართულებით გატარებული რეფორმების მიზნობრიობასა და დადებით შედეგებზე საუბრობენ როგორც გარე აქტორები მაგალითად ფრანგული კომპანია IPSOS-ის კვლევის ავტორი, პროფესორი იან ვან დაიკი, ასევე მოსამართლეები და მოსახლეობა რომელსაც უშუალოდ საქმიანი კვეთა ჰქონდა ამ ინსტიტუტთან.
დღეს სასამართლოს აქვს უნარი და განზრახვა იყოს კომპეტენტური.
შესაბამისად, საზოგადოება ენდობა სასამართლოს ღირებულებების თვალსაზრისითაც და დარწმუნებულია მოსამართლეთა კეთილსინდისიერებაში.
დღეს 2012 წლამდე პერიოდისაგან განსხვავებით მოსამართლეთა კორპუსი იზიარებს საზოგადოებაში მისაღებ პრინციპებს და მზად არიან მათი დაცვით მოემსახურონ საზოგადოების და არა გარკვეული ჯგუფების ინტერესებს”, – წერს თამთა მეგრელიშვილი სოციალურ ქსელში.
