„ხალხის ძალის“ წევრი დავით ქართველიშვილი ოპოზიციის მიერ გამართულ აქციას ეხმაურება.
„ის იუმორისტული ჩანახატი ხომ გახსოვთ, “ფეისბუკი” ერთი დღით რომ გაითიშება და გადარეული ხალხი ქუჩაში გამოვარდება, ფოტოსურათებით ხელში და ერთმანეთს ტვინს რომ წაუღებს: „მომიწონე, რა, მომიწონე!!!” – ასე გამოვარდა გუშინ ქუჩაში სიხარულისგან გადარეული გეგელია და თითოეულ პოლიციელს აცნობდა თავს: „მე დეპუტატი ვარ, მომიწონეთ, რა… დეპუტატი!!!” ოსტაპ ბენდერის ციტატისა არ იყოს, „აღსრულდა იდიოტის ოცნება”. წარსულს ჩაბარდა „არალეგიტიმური” ცესკო, „გაყალბებული” არჩევნები და „რუსული” ხელისუფლება. უზომოდ ბედნიერი გეგელია გუშინ წინსწრებით ზეიმობდა ტელეფონზე საახალწლოდ შემოსულ საბანკო SMS-ს, ნანატრი სახელფასო ჩარიცხვის თაობაზე. ამ დღეს გეგელია ჯერ კიდევ „რუსეთის მასონთა დიადი ლოჟის” წევრობის დროიდან ელოდებოდა და არ გაუბედოთ, უგუნურებო, დღეს ამ მაზალო კაცუნას პირადი ბედნიერების გაფარჩაკება.
დღეს თბილისის ქუჩებში პოლიტიკური ბიპოლარული აშლილობით დასნეულებული ერთი რიგითი ბედნიერი ადამიანი დარბოდა: თან იფურთხებოდა სახელმწიფოსა და საკუთარი ამომრჩევლის მიმართ, თან უზომოდ უხაროდა თავისი დეპუტატობა. სპეციალიზებულ კლინიკებში ამ დაავადების მატარებლებს ხშირად ცივი წყლის აბაზანებით აწყნარებენ. ასე რომ, პოლიციელების მიერ მისი მიმართულებით გაშვებული წყლის ჭავლი ჰუმანურობის აქტი იყო, სხვა არაფერი. ამასობაში კი, „მე ამდენ სიხარულს ვერ გავუძლებ”, – გაიფიქრა კიდევ ერთმა დეპუტატმა გვარამიამ და გამთენიისას ქვეყანა დატოვა. რა თქმა უნდა, გააქტიურებული როუმინგით – საბანკო SMS-ის მისაღებად. მოკლედ, უკვე მართლაც რომ დიდი ხანია, „სირცხვილია” და „დროა”, გაგაქროთ პოლიტიკური ველიდან, რადგანაც „კმარა”. მე არ ვიცი, ვინ იგონებს თქვენში ამ ბრძნულ „ნიკ-ნეიმებს”, მაგრამ ერთ-ერთ უკანასკნელზე – „დაიტოვეზე” მინდა “გირჩი”-ოთ მისი ჩანაცვლება „ამოიღეთ”-ი. ისედაც ღრმად „იქა” გაქვთ…“ – წერს დავით ქართველიშვილი „ფეისბუკის“ გვერდზე.
