2025 წლის იანვარში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 11.1% შეადგინა. მონაცემებს სტატისტიკის ეროვნული სამსახური აქვეყნებს.
ოფიციციალური ინფორმაციით, ეკონომიკურ ზრდაში მნიშვნელოვანი წვლილი მშენებლობამ, საფინანსო და სადაზღვევო საქმიანობებმა, ტრანსპორტისა და ვაჭრობის დარგებმა შეიტანა.
„ტრანსპორტისა და დასაწყობების სექტორებში ზრდა, ძირითადად, განპირობებულია საჰაერო, სატვირთო და სამგზავრო ტრანსპორტის, ასევე, დასაწყობებისა და დამხმარე სატრანსპორტო საქმიანობის მომსახურების ზრდით. გარდა ამისა, გაზრდილია სატვირთო, საგზაო ტრანსპორტისა და სახმელეთო გადაზიდვების მომსახურება. მშენებლობის სექტორში ზრდა, ძირითადად, დაკავშირებულია საცხოვრებელი და არასაცხოვრებელი შენობების მშენებლობასთან და სპეციალიზებულ სამშენებლო სამუშაოებთან”, – განმარტა საქსტატის აღმასრულებელი დირექტორის მოადგილემ პაატა შავიშვილმა.
ამავე დროს, ევროპის რეკონსტრუქციისა და განვითარების ბანკმა საქართველოს 2025 წლის ეკონომიკის ზრდის პროგნოზი 6%-მდე გაზარდა.
