ჩინეთის ხელისუფლებამ უკვე შეაჩერა გარიგება, რომლის მიხედვითაც, ამერიკულ საინვესტიციო ფონდს, “Black Rock-ს” უნდა შეეძინა ორი ჩინური პორტი პანამის არხზე. ინფორმაციას “CNN-ი” ავრცელებს.
შეთანხმების ხელმოწერა დაგეგმილი იყო მომდევნო კვირისთვის, რომლის მიხედვითაც, “Black Rock-ი” აპირებდა ჰონგ კონგის კომპანია “CK Hutchison Holdings Ltd. -ის” საკონტროლო პაკეტის შესყიდვას, რომელსაც აქვს წილები მსოფლიოს 43 პორტში.
როგორც ირკვევა, ეს გარიგება ჩინეთის ანტიმონოპოლიურმა სახელმწიფო ორგანოებმა დაბლოკეს.
“Black Rock-თან” გარიგება განიხილებოდა როგორც „რეგიონში დაძაბულობის შემცირების გზა“ მას შემდეგ, რაც ტრამპმა პანამის არხის წართმევის შესახებ მუქარა დაიწყო.
მოგვიანებით, მან დადებითად ისაუბრა მომავალ გარიგებაზე, თუმცა, როგორც ჩანს, ეს საკმარისი არ აღმოჩნდა.
