“POSTV-ის” ინფორმაციით, ოზურგეთის საკრებულოში დაბა ნასაკირალის მაჟორიტარ დეპუტატს “ერთიანი ნაციონალური მოძრაობიდან” – ბესიკ ქათამაძეს თანაპარტიელი ბონდო თედორაძე და მეგობარი არჩილ ჯაფარიძე ფიზიკურად გაუსწორდნენ.
ცნობილი ხდება დაპირისპირების დეტალებიც: ირკვევა, რომ “ნაციონალური მოძრაობის” ქობულეთის ორგანიზაციის თავმჯდომარე ბონდო თედორაძემ და პარტიის წევრმა გოგიტა სოლომონიძემ ქათამაძე ბათუმში, შეხვედრაზე დაიბარეს, სადაც ასევე იმყოფებოდა არჩილ ჯაფარიძე.
ჯაფარიძემ და თედორაძემ ბესიკ ქათამაძეს საკმაოდ მძიმე ფიზიკური დაზიანებები მიაყენეს. “POSTV-სთვის” ცნობილი ხდება დაპირისპირების მიზეზიც: ირკვევა, რომ ქათამაძეს ჯაფარიძის ყოფილ მეუღლესთან პირადი მიმოწერა და დაახლოების მცდელობა ჰქონდა. ამის შესახებ ჯაფარიძემ შეიტყო, რასაც ფიზიკური ანგარიშსწორება მოჰყვა.
