ეკონომიკის მინისტრის მოადგილე მარიამ ქვრივიშვილი სამოგზაურო ბრენდ “Expedia-ს” სტატისტიკას გამოეხმაურა.
“ფაქტები აღქმების წინააღმდეგ:
“Expedia-ს” რეიტინგში საქართველო მსოფლიოს ყველაზე მოთხოვნადი ტურისტული მიმართულებების სამეულშია.
ამ სტატისტიკური მონაცემებით, 2024 წლის დეკემბრიდან 2025 წლის მარტამდე მოგზაურთა ჯავშნები გასული წლის ანალოგიურ პერიოდთანაა შედარებული. კვლევის შედეგად, საქართველოს დედაქალაქი თბილისი “Expedia-ს” რეიტინგში მესამე ადგილზეა. თბილისის მაჩვენებელი 145%-ით გაიზარდა.
თბილისთან ერთად, პოპულარულ მიმართულებებს შორის დასახელდნენ შვეიცარიული ქალაქი ბაზელი და ციურიხი.
ასევე, 2025 წლის პირველ კვარტალში საერთაშორისო ტურისტული ვიზიტები და ტურიზმიდან მიღებული შემოსავალი რეკორდულად გაიზარდა.
საქართველომ 3 თვეში 826 მლნ დოლარის შემოსავალი მიიღო (+2.3%).
საქართველოში მილიონამდე ტურისტმა იმოგზაურა (+2.2%).
ბრენდირებული სასტუმროების დატვირთვის კოეფიციენტი, 2024 წლის ანალოგიურ პერიოდთან შედარებით, 4.2%-ით გაიზარდა (წყარო: საერთაშორისო კვლევითი ორგანიზაცია – STR global).
Airbnb-ის პლატფორმაზე რეგისტრირებული ობიექტების დატვირთვის საშუალო კოეფიციენტი 1.5% -ით, ხოლო საშუალო დღიური ფასი 7.9%-ით გაიზარდა (წყარო: RBNB).
https://www.timeout.com/news/these-are-the-worlds-top-trending-destinations-to-book-this-summer-according-to-expedia-042925″, – წერს ქვრივიშვილი “ფეისბუკის” გვერდზე.
