არჩილ თალაკვაძე რადიკალურ ოპოზიციას: “დიდი ხანია, აღარ ხართ ჩვენი ოპონენტები. თქვენ ხართ საქართველოს ოპონენტები და აკეთებთ ყველაფერს, რომ ქვეყანას არ ჰქონდეს წარმატება, პროგრესი და წინსვლა”

83

“დიდი ხანია, აღარ ხართ ჩვენი ოპონენტები. თქვენ ხართ საქართველოს ოპოზიციაში, თქვენ ხართ საქართველოს ოპონენტები და აკეთებთ ყველაფერს აწმყოშიც, წარსულზე რომ აღარ გესაუბროთ, რომ საქართველოს არ ჰქონდეს წარმატება, პროგრესი და წინსვლა”, – ასე მიმართა პარლამენტის ვიცე-სპიკერმა არჩილ თალაკვაძემ პარლამენტში გამოსვლისას რადიკალურ ოპოზიციას.

მისივე თქმით, რადიკალურ ოპოზიციას წარსულზე საუბარი არ სურს.

„ვხვდებით, რომ წარსულზე აქვთ ალერგია და ეთაკილებათ საკუთარი წარსული. ამიტომ მოგვიწოდებენ და საზოგადოებას მოუწოდებენ, რომ დაივიწყოს ჩვენმა სამოქალაქო საზოგადოებამ წარსული. წარსულის დავიწყებას რა მოჰყვება, ეს კარგად ვიცით ისტორიიდან და ჩვენი წინაპრებისგან. ამიტომ წარსული დავიწყებას ვერ მიეცემა ვერანაირად და ყოველთვის, როდესაც თქვენ იქნებით მორალის პოზიციიდან, ყოველთვის, როდესაც თქვენ ისაუბრებთ ადამიანის უფლებებზე, ეკონომიკაზე, ევროპულ ღირებულებებზე, იცოდეთ, ყოველთვის გაგახსენებთ წარსულს“, – განაცხადა თალაკვაძემ.