“ძებნილი კრიმინალის, ავაზაკი ზურაბ ადეიშვილის უსინდისოდ შემფარებელი უკრაინის გენერალური პროკურორი ანდრეი კოსტინი, ჟურნალისტური გამოძიების გამო უმაღლეს რადაში დაიბარეს. საქმე ეხება მისი მოადგილის, დმიტრი ვერბიცკის ქონებასთან დაკავშირებით მიმდინარე გამოძიებას. საეჭვოდ გამდიდრება და უამრავი დაფიქსირებული უძრავი ქონების შეძენა არარეალურად დაბალ ფასებში”, – წერს სოციალურ ქსელში ანალიტიკოსი გია აბაშიძე.
“უკრაინაში ოპოზიციისა და მედიის ჭარბი დევნის ფონზე, გენერალური პროკურორის დაბარებას უმაღლესი რადას 216-მა კანონმდებელმა მისცა ხმა. კოსტინი უკრაინის საკანონმდებლო ორგანოს წინაშე დღეს უნდა წარდგეს.
ოკუპანტი კრემლი ანადგურებს უკრაინას, ხოლო მას შიგნიდან ხრავენ უკრაინის ხელისუფლების გარეწრები. ყველაფერს ექნება დასასრული, მათ შორის ნაცდესანტის პარპაშს უკრაინაში. დროის ამბავია, რომელიც იწელება…” – წერს გია აბაშიძე.
