ექსპერტი ლევან ნიკოლეიშვილი “სტრატეგია აღმაშენებლის” ლიდერის – გიორგი ვაშაძის მიერ ბიძინა ივანიშვილის, ირაკლი კობახიძისა და ირაკლი ღარიბაშვილის შეხვედრასთან დაკავშირებით გავრცელებულ ცრუ ინფორმაციას გამოეხმაურა.
“პოლიტიკური შულერი გიორგი ვაშაძე ამტკიცებს, რომ მას აქვს უტყუარი ინფორმაცია, რომ ბიძინა ივანიშვილმა ირაკლი კობახიძე და ირაკლი ღარიბაშვილი დაიბარა და… მოკლედ, მაგრად უსაყვედურაო. მძიმე სურათი რომ არის ოპოზიციაში, ეს გასაგებია; ვინ ვის შეუერთდეს და ვინ ვისთან შეუღლდეს, ამაზე ხომ, უბრალოდ, ერთ ბრძანებას ელოდებიან უცხოელი პატრონებისგან, მაგრამ ვაშაძის ფანტაზიას საზღვრები რომ არ აქვს, ესეც ხომ ფაქტია. ზაფხული მოდის, პოლიტიკური აქტივობები იკლებს; რამე სკანდალი ხომ არის საჭირო? “ჭიჭე” ვაშაძეც ადგა და დააბრეხვა “ნიუსი”. არც ირაკლი კობახიძე და არც ირაკლი ღარიბაშვილი, მით უმეტეს, ბიძინა ივანიშვილი ვაშაძეს არ ჩამოუჯდებოდა და არ მოუყვებოდა ამბებს; ვერც ვაშაძე შეძვრებოდა მაგიდის ქვეშ, რომ შეხვედრაზე გაჟღერებული ამბები მოესმინა; ვერც სახურავიდან მიაყურადებდა. რაღა რჩება? ვაშაძე ამბობს, – გუნდიდან მითხრესო. აბა, თუ ბიჭია, დაადოს ხელი, – ამან და ამან მითხრაო! ვერ ამბობს, ან როგორ იტყვის, როცა არარსებულ ამბავზე ლაპარაკობს? ე.ი., ტრადიციულად, ტყუის, ცრუობს, ლაზღანდარობს. ან სხვა რა უნდა ქნას? სხვა რამე იცის?!” – წერს ნიკოლეიშვილი „ფეისბუკის“ გვერდზე.
