„უკრაინის მთავრობის მინისტრთა კაბინეტის ბრძანებაში შესული ცვლილებებით ორგანიზაციებსა და შპს-ებს, რომლებიც უკრაინაში პოლიტიკურ საკითხებზე მუშაობენ და იღებენ უცხოურ დაფინანსებას, მობილიზაციისგან სრული – 100%-იანი დაცვა აქვთ (უკრაინის მინისტრთა კაბინეტის მიერ მიღებული ეს გადაწყვეტილება 133 ორგანიზაციაზე ვრცელდება)“, – წერს „ხალხის ძალის“ წევრი თამთა მეგრელიშვილი იმ ცვლილების შესახებ, რომლის მიხედვითაც, უკრაინის მთავრობამ უცხოური დაფინანსების მქონე ორგანიზაციების თანამშრომლები მობილიზაციისგან გაათავისუფლა და ე.წ. ჯავშანი მისცა.
“ეს არის პოლიტიკური ჯავშანი, რომელიც უკრაინამ გარე აგენტურას სამართლებრივად დასაცავად და მათი ხელშეუხებელი საქმიანობისათვის მიანიჭა.
ეს მაშინ, როცა მობილიზაციისგან სრულ დაცვას არ ექვემდებარებიან სახელმწიფო საგანგებო სამსახურის მაშველები, პოლიციის თანამშრომლები და სხვ.
მაგალითად, “ჯავშნიანთა”სიაშია არასამთავრობო ორგანიზაცია “უკრაინის პოლიტიკური კვლევების დამოუკიდებელი ცენტრი“ (UCPI), რომლის საქმიანობის სფეროა სოციალურ-პოლიტიკური პროცესების მონიტორინგის ანგარიშების მომზადება, პოლიტიკის ფორმირება და განხორციელება.
გამოდის, რომ ამ პოლიტიკით სანგრებში უკრაინელი ვაჟკაცები არავინაა და სოროსელები “კრიტიკული” ჯგუფია?!
ჩნდება ლეგიტიმური კითხვა: რა ელიტარული ფენაა ეს, რომელიც ჯერ შემოსავლის დეკლარირებისგან და შემდეგ მობილიზაციისგან გათავისუფლდა?
ვუთანაგრძნობ უკრაინელ ხალხს იმ დიდი უბედურების გამო რაც მათ თავს ტრიალებს; ამასთან, ვფიქრობ, ქვეყნისთვის პოლიტიკურად მძიმეა ეს გადაწყვეტილება, რომელიც ზელენსკისა და მისი მთავრობის მიერ დამტკიცდა. უკრაინამ დეკლარირებულად დაამტკიცა აგენტურის პოლიტიკურ ნებაზე უკრაინის პოლიტიკის დამოკიდებულება, როცა ეს ყველაფერი სამართლებრივად, ბრძანებით გააფორმა”, – წერს თამთა მეგრელიშვილი “ფეისბუკის” გვერდზე.
