საქართველოსადმი ამერიკის შეერთებული შტატების ადმინისტრაციის პოლიტიკას ეხმიანება სოციალურ ქსელში „ხალხის ძალის“ წევრი ზურაბ ქადაგიძე და აცხადებს, რომ ეს პოლიტიკა ყოველგვარ საზღვარს სცდება და არაფერი აქვს საერთო პარტნიორობასთან.
“95 მილიონად მშვიდობა არ იყიდება!
რასაც ბაიდენის ადმინისტრაცია საქართველოს წინააღმდეგ აკეთებს, ნაძირალობაც აღარ ჰქვია! დიპლომატიურ ეტიკეტზეც აღარ არის საუბარი უკვე, ისეთ ამორალურობას მიაღწია იმ ინსინუაციამ, რასაც ვაშინგტონი კადრულობს.
წვრთნებს გავაუქმებთ, სამაგიეროდ ექსტრემისტებს გადაგიმზადებთო; ფინანსებს შეგიწყვეტთ, სამაგიეროდ უსამშობლო არასამთავრობოებს მივცემთ გრანტებსო; ლეგიტიმურ ხელისუფლებას დავასანქცირებთ, სამაგიეროდ საერთაშორისო თაღლით კეზერაშვილს და დამნაშავე ადეიშვილს კარს გავუხსნით დასავლეთშიო; კვლევებსაც გაგიყალბებთ და ლეგიტიმაციის პრობლემასაც შეგიქმნით თუ გვინდაო …
მოკლედ, 26 ოქტომბერს ქართველმა ხალხმა „ბიჭიან-ბატონიანად” უნდა აუგოს წესი „აგენტოკრატიას!” – წერს ზურაბ ქადაგიძე “ფეისბუკის” გვერდზე.
