„ხალხის ძალის“ წევრი ზურაბ ქადაგიძე დანიის საელჩოს მიერ დაფინანსებულ ღონისძიებას ეხმაურება, სადაც ოპოზიციური პარტიები წინასაარჩევნო აგიტაციას ეწეოდნენ.
„არ იციან დონორებმა რაში იხარჯება მათი ფული?! იციან და მიზანმიმართულადაც ახალისებენ ამ პროვოკაციულ კამპანიებს. აი, ზუსტად ისე იციან, როგორც 2003-2012 წლებში იცოდნენ სისტემური ძალადობა, უუფლებობა, ბიზნესის რეკეტი, მედიაზე ძალადობა და ავტორიტარული რეჟიმი. დიახ, მაშინ ჩუმად იყვნენ, რადგან სააკაშვილი თუ ნაძირალა იყო, მათი ნაძირალა იყო და ეპატიებოდა ყველაფერი უპირობო მორჩილების სანაცვლოდ.
ჰოდა ახლა, ისეთივე უპირობოდ მორჩილ ხელისუფლებას ითხოვენ დონორები. იმიტომ, რომ საქართველოს დღევანდელი ხელისუფლება ომში არ ერთვება, სანქციებს არ აწესებს და ცდილობს დამოუკიდებელი პოლიტიკა აწარმოოს. ამიტომაც, დონორები ბრაზობენ და თუნდაც, საერთაშორისო თუ ადგილობრივი სასამართლოთი მსჯავრდადებულ მოძალადეს პოლიტიკურ პატიმრად გვიცხადებენ, კვლევებს აყალბებენ, პოლიტიკურ პროცესებში ღიად ერევიან და ყველაფერს კადრულობენ საქართველოში არეულობის მოსაწყობად.
აქედან გამომდინარე, დონორ-ბენეფიციარიანად უნდა აუგოს პოლიტიკური წესი ქართველმა ხალხმა 26 ოქტომბერს და სამუდამოდ აუკრძალოს უცხო ქვეყნის აქტორებს საქართველოს შიდა საქმეებში ჩარევის მცდელობა! “- წერს ზურაბ ქადაგიძე სოციალურ ქსელში.
