„ჩემთვის აღმაშფოთებელი და მიუღებელი იყო ის განცხადებები, რაც გააკეთა ქალბატონმა ხიდაშელმა. ორმაგად აღმაშფოთებელი და მიუღებელია, როდესაც ამას აკეთებს თავდაცვის ყოფილი მინისტრი და სეპარატისტული რეგიონიდან დაფინანსებას იღებს.
ტაივანი არის სეპარატისტების, იქიდან იღებ დაფინანსებას და ამით ცდილობ, საქართველო-ჩინეთის ურთიერთობა გააფუჭო და ჩიხში შეიყვანო – ეს მავნებლობაზე მეტია, მე თუ მკითხავთ.
როდესაც მთელი მსოფლიო მიისწრაფვის იმისკენ, რომ ჩინეთთან ურთიერთობა დაალაგოს, დაათბოს, კიდევ უფრო გააძლიეროს, მათ შორის, ევროკავშირი, ცალკეული ქვეყნები და, მათ შორის, ჩვენ… როგორც არასდროს, ისე გვჭირდება შუა დერეფნის განვითარება, იმიტომ, რომ ჩვენი რეალური ფუნქცია რაც არის – ევროპისა და აზიის დამაკავშირებელი ხიდი – რაც ვართ ისტორიულად, გეოგრაფიულად, ამის რეალიზების უნიკალური შესაძლებლობა მოგვეცა პროექტით, რაც აქვს ჩინეთის სახალხო რესპუბლიკას, რომელშიც მნიშვნელოვანი წვლილი მიუძღვის საქართველოს. და ამ დროს შენ გამოდიხარ და უტევ ჩინეთს.
ვწუხვარ ძალიან, რომ ამ დონეზე დაეშვა ქალბატონო ხიდაშელი, თან – ყოფილი თავდაცვის მინისტრი. შეცდომა იყო, ჩემი აზრით, ეს ჩვენს უახლეს ისტორიაში და ამ შეცდომას ასწორებს ახლანდელი, ახალი ისტორია, რასაც ჩვენ – “ქართული ოცნება” ვწერთ. ასეთი მავნებლები, ასეთი ხელმოცარულები არ უნდა გააკარო არც ხელისუფლებას და არც პოლიტიკას. ეტყობა, რაღაც ფინანსური ინტერესი აქვს, თორემ, ნუთუ ვერ ხვდება, რას აკეთებს და როგორ იქცევა? თან, ყოფილი თავდაცვის მინისტრი ამ ქვეყნის, რომლის ორი რეგიონი ოკუპირებულია“.
