საქართველოს ტურიზმის ეროვნული ადმინისტრაცია, ტურიზმის სფეროში მომსახურების ხარისხის ამაღლების მიზნით, ტრენინგებს აგრძელებს.
ტურიზმის ეროვნული ადმინისტრაციის ინფორმაციით, გადამზადების კურსი – „ჰიგიენა და სურსათის უვნებლობა“ თბილისში, ამბროლაურში, გორში, თელავში, თეთრიწყაროში, ახალციხეში, ლანჩხუთში, ოზურგეთსა და ჩოხატაურში მიმდინარეობს.
ტრენინგებში სასტუმროებისა და კვების ობიექტების 220 თანამშრომელი მონაწილეობს.
სასწავლო კურსი შემდეგ თემატიკას მოიცავს:
1. GMP (კარგი საწარმოო პრაქტიკა) და GHP (ჰიგიენის პრაქტიკა);
2. წერილობითი პროცედურების (სტანდარტული ოპერირების პროცედურები) და სამუშაო ფორმების შემუშავება;
3. პერსონალის სავალდებულო სწავლებების პოლიტიკა;
4. სურსათის უვნებლობის პრინციპები, ჰიგიენა;
5. HACCP სისტემის მიმოხილვა, მოსამზადებელი და დანერგვის ეტაპები;
6. ალერგიის გამომწვევი ან მომეტებული მგრძნობელობის მქონე ნივთიერებები ან პროდუქტები;
7. მომხმარებლის ინფორმირებულობა, პრეტენზიების მართვა და სხვა.
ინფორმაციას ტურიზმის ეროვნული ადმინისტრაცია ავრცელებს.
