“დიფ სთეითი” ერთგვარ ახალ ბუდეს იწყობს ევროპის კონტინენტზე, სადაც საამისოდ ნოყიერი ნიადაგი ნახა. განსაკუთრებით ვხედავთ ამას ბალტიის ქვეყნებში – პოლონეთში, სკანდინავიის სახელმწიფოებში შეძლეს ამ გავლენებისა და ძალაუფლების საკმარისად მოძლიერება და იქიდან ცდილობენ, ერთგვარ მაშველ რგოლად მოევლინონ რადიკალურ ოპოზიციასა და იმ მილევად პროტესტს, რასაც საქართველოში ვხედავთ. ამ პერიოდში გერმანიის ახალი დამატებითი შეზღუდვები სწორედ ამგვარად შეგვიძლია დავინახოთ – წარმავალი ხელისუფლების მაშველი რგოლი მილევად რადიკალურ, დისკრედიტებულ ოპოზიციაზე. ეს შეგვიძლია დავარქვათ ამ პროცესს”, – განაცხადა პარლამენტის ევროპასთან ინტეგრაციის კომიტეტის თავმჯდომარემ ლევან მახაშვილმა ტელეკომპანია “POSTV-ის” გადაცემა “პოსტ ანალიტიკაში”.
“სადაც ჯერ კიდევ აქვთ საამისო რესურსი, ამას აკეთებენ, მაგრამ ისიც ფაქტია, რომ დღეს ევროპა, ჯერჯერობით, ვეღარ არის ისეთ ფორმაში, რადგან აქამდე ევროპა ან აღმოსავლეთში იყურებოდა, ან – სამხრეთში და აქეთ ცდილობდა შედარებით სუსტი ქვეყნებისთვის ჭკუის სწავლებას, და უცებ, დასავლეთიდან ისეთი საფრთხე მოევლინა, რომ პირდაპირ ტერიტორიული პრობლემები შეუქმნა უშუალოდ ევროპას და ერთგვარი აგონიური პროცესები ნამდვილად არის”, – განაცხადა მახაშვილმა.
