გორის მუნიციპალიტეტმა სპორტის განვითარებისა და ხელშეწყობის სააგენტოს თანამედროვე ტიპის ავტობუსები გადასცა.
გორის მუნიციპალიტეტის მერის მოვალეობის შემსრულებელი სიმონ გულედანი, საკრებულოს თავმჯდომარე დავით რაზმაძესთან და სააგენტოს წარმომადგენლებთან ერთად, სპორტულ წრეებში ჩართულ მოზარდებსა და მწვრთნელებს შეხვდნენ.
ხელისუფლების წარმომადგენლებმა სპორტსმენებს ახალი ავტობუსების გადაცემა მიულოცეს და სპორტის განვითარებისა და ჯანსაღი ცხოვრების მნიშვნელობაზე ისაუბრეს.
ახალი ავტობუსები სააგენტოს აღსაზრდელებს მოემსახურება და უზრუნველყოფს მათ უსაფრთხო და კომფორტულ გადაადგილებას როგორც საქართველოს, ისე ქვეყნის ფარგლებს გარეთ.
სააგენტოში სხვადასხვა სპორტის სახეობას 3 000-ზე მეტი მოსწავლე ეუფლება. ახალგაზრდა სპორტსმენები გასვლით ტურნირებში აქტიურად და წარმატებით მონაწილეობენ.
