აშშ-ის კონგრესის სენატის წევრი მისურის შტატიდან, ერიკ შმიტი, USAID-ის დახურვასთან დაკავშირებით, სოციალურ ქსელ “X-ში” პოსტს აქვეყნებს.
„ახლა უკვე ოფიციალურად: USAID მკვდარია. ეს დიდი გამარჯვებაა არა მხოლოდ ამერიკისთვის, არამედ მთელი დასავლური ცივილიზაციისთვის“, – წერს შმიტი.
ცნობისთვის: რამდენიმე დღის წინ აშშ-ის სახელმწიფო დეპარტამენტმა ოფიციალურად აცნობა კონგრესს, რომ ის, ფაქტობრივად, შლის აშშ-ის საერთაშორისო განვითარების სააგენტოს (USAID), ხოლო მის ზოგიერთ ფუნქციას დეპარტამენტი შეითავსებს. სახელმწიფო დეპარტამენტში აღნიშნეს, რომ USAID-ის რეორგანიზაცია 1-ელი ივლისისთვის დასრულდება.
