„რუსეთ-უკრაინის ფრონტზე მძიმე მდგომარეობაა – ამას მე კი არ ვამბობ, არამედ – თეთრი სახლის სტრატეგიული კომუნიკაციების კოორდინატორი ეროვნული უსაფრთხოების საკითხებში, ჯონ კირბი – „უკრაინაში ბრძოლის ველზე შექმნილი მდგომარეობა ძალიან მძიმეა“. მას ამ შეფასებაში არც აშშ-ის სახელმწიფო დეპარტამენტის პრესსპიკერი მეთიუ მილერი ჩამორჩება – „უკრაინაში ბრძოლის ველზე სიტუაცია უკიდურესად მძიმეა. უკრაინის ჯარებს არ გააჩნიათ საკმარისი საბრძოლო მასალა, რომელიც საჭიროა რუსული აგრესიის მოსაგერიებლად“, – წერს სოციალურ ქსელში ექსპერტი ლევან ნიკოლეიშვილი.
„უკრაინული მედია, რომელსაც არაფრით ჩამოუვარდებიან ქართული მედია საშუალებები, აცხადებს, – უკრაინამ მასზე დამიზნებული ყველა დრონი მოიგერია, გაანადგურაო.
ზელენსკიმ, საერთოდაც, მხოლოდ 35 000 ჯარისკაცი დავკარგეთო, რუსებს კი 250/350 000- მდე სამხედრო ჰყოლიათ დაღუპული.
ახლა კი რეალურად შევხედოთ სურათს: ომი გრძელდება. მსხვერპლი კიდევ გაიზრდება, მიუხედავად იმისა, ვინ რა ციფრს დაასახელებს და საინფორმაციო ომს რა დონეზე გაშლის. თუ უკრაინა დროულად ვერ მიიღებს დახმარებას, რუსეთი შეძლებს, კიდევ უფრო წინ წაიწიოს. რუსეთისთვის სანქციების დაწესებამ ბრძოლის სურათი რომ არ შეცვალა ფაქტია, – მით უფრო, რომ დასავლეთი, პარალელურ რეჟიმში, მასთან გარკვეულ სამარცხვინო სავაჭრო ურთიერთობებშია. რაც უფრო წინ წავა რუსეთის არმია, მით უფრო მეტი უპირატესობა ექნება შესაძლო სამშვიდობო მოლაპარაკებების დროს, რომელიც ერთ მშვენიერ დღეს აუცილებლად დადგება. შედეგი რა იქნება და ამაზე პასუხისმგებლობას ვინ აიღებს, მართლაც საინტერესოა, გამარჯვებულის და დამარცხებულის სახელს კი ვინ მიიკერებს, ეს უკვე მეორეხარისხოვანია“, – წერს ლევან ნიკოლეიშვილი.
