„რაც უფრო ახლოვდება არჩევნები და პრეზიდენტის ვადის გასვლა, უფრო მატულობს სალომე ზურაბიშვილის ანტისახელმწიფოებრივი ქმედებები“, – ასე გამოეხმაურა ანალიტიკოსი გია აბაშიძე პრეზიდენტის წარმომადგენლის მიერ ცესკო-ს წევრობის კანდიდატების შესარჩევ კომისიაში მონაწილეობის შეჩერებას.
„ცესკო-ს წევრობის კანდიდატების შესარჩევ კომისიაში პრეზიდენტის წარმომადგენელმა მონაწილეობა შეაჩერა.
საბოტაჟის გარდა, დე ფაქტო პრეზიდენტი ზურაბიშვილი, უკვე მერამდენედ, ჯიბრზე უპირისპირდება ქართველ საზოგადოებას.
საინტერესოა, ამით რა მიზნებს აღწევს… ხომ იცის, რომ ასეთი საქმიანობით მაინც წაგებულია საქართველოსთან?!
სავალალოა მისი მდგომარეობა, აგენტოკრატიის შავბნელი დაკვეთების შესრულებით რეპუტაციაშელახულია და უკიდურესად მარგინალი”, – წერს გია აბაშიძე.
