„ხალხის ძალის“ წევრი დავით ქართველიშვილი საპარლამენტო უმრავლესობის ლიდერის – მამუკა მდინარაძის განცხადებას – „გორბის“ კვლევამ შოკში და ისტერიკაში ჩააგდო ოპონენტები” – “ფეისბუკის” გვერდზე ეხმაურება.
„შოკიც არის და შოკიც. ჯერ იყო და, „ნაცმოძრაობის” პოლიტიკური გასამართლება დავაანონსეთ; მერე სასამართლო სისტემიდან იმპორტული მმართველობის მცდელობა „დავაპაშოლეთ”; ცესკო-ში ვაკჰანალიის გაგრძელებას დავუსვით წერტილი; ლგბტ-პროპაგანდას ბრძოლა გამოვუცხადეთ; ქვეყანაში შავი ფულის შემოდინების პრაქტიკის შეჩერებისა და პატიოსანი NGO სექტორის წარმოჩენის საკანონმდებლო ჩარჩოში მოქცევას მივეცით ბიძგი.
და აი, „საკონტროლო გასროლაც” – პარტიული რეიტინგები, სადაც სანუკვარი „საბარიერო ღობიდან” მხოლოდ ერთს უჩანს თავი და ისიც იმისთვის, რომ საპარლამენტო სასამართლოზე გამოცხადდეს. ხოლო ხელისუფლება მაღალ ხეზეა ამძვრალი და ღობის ძირში მიმდინარე ფუსფუსსა და აურზაურს აუღელვებლად აკვირდება“, – წერს ქართველიშვილი.
