ექსპერტი ირაკლი ლატარია ფონდ “ქართუს” მიერ საფეხბურთო ნაკრებისთვის ჯილდოს დაწესებას სოციალურ ქსელში აფასებს.
“ევროპის ჩემპიონატის ქვეჯგუფიდან გასვლისთვის ფონდი „ქართუ“ საფეხბურთო ნაკრებს, ჯილდოს სახით, 30 მილიონ ლარს გადასცემს, ქვეჯგუფიდან გასვლის შემდეგ, ყოველი შემდეგი მატჩის მოგებისთვის კი დამატებით 30 მილიონით დააჯილდოებს.
ეს ის ივანიშვილია, რომელმაც ააღორძინა ქართული რაგბი და მსოფლიოში – ვიმეორებ: მთელ დედამიწაზე – არ არსებობს ადამიანი, რომელსაც ამდენი ჰქონდეს გაკეთებული თავისი ქვეყნის რაგბისთვის… მგონი, საკმაოდ კარგად დაეტყო ჩვენს რაგბის მისი ხელი…
ამავე დროს, არ დავივიწყოთ, რომ ეს ის ივანიშვილია, რომელიც ქართული ფეხბურთის აღორძინებაში უდიდესი თანხების ჩადებას გეგმავდა, მაგრამ სააკაშვილის ხელისუფლებამ უარი განუცხადა, და იცით, რატომ? იმიტომ, რომ ივანიშვილმა მოითხოვა თავისივე თანხების სწორი მიმართულებით ხარჯვის კონტროლი…
ივანიშვილს ვცემ პატივს 2007 წლიდან, ჩემი მეგობრის ოჯახს წლობით სიცოცხლე რომ აჩუქა, იქიდან და, რა თქმა უნდა, ასჯერ მეტ პატივს ვცემ ახლა. და რატომ? იმიტომ, რომ საქართველოს არ ჰყოლია ადამიანი, ვისაც იმის ნახევარი მაინც გაეკეთებინოს საკუთარი ქვეყნისთვის, რამდენიც – ბიძინა ივანიშვილს….” – წერს ირაკლი ლატარია “ფეისბუკის” გვერდზე.
